კარიოტა

კარიოტა (ლათ. Caryota), მცენარეთა გვარი პალმების ოჯახისა. მაღალტანიანი (25 მ-მდე) მცენარეებია. 12-მდე სახეობა იზრდება ინდოეთში, კუნძულ შრი-ლანკაზე, ინდოჩინეთში, ჩინეთში, მალაის არქიპელაგისა და სოლომონის კუნძულებზე, ტროპიკულ ავსტრალიაში. ზოგი სახეობის (Caryota urens, Caryota mitis) ყვავილედის წვენიდან ამზადებენ შაქარს, აყენებენ ღვინოს. მერქანს იყენებენ სამშენებლოდ, ფოთლების ბოჭკოებს — თოკებისა და სხვა დასამზადებლად. ნაყოფმსხმოიარობის შემდეგ კარიოტას მიწისზედა ნაწილი ხმება.

ლიტერატურა

• ქსე, ტ. 5, გვ. 406, თბ., 1980