თელასი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

თელასი (თბილისის ელექტროქსელი) – ელექტრო-გამანაწილებელი კომპანია თბილისში, საქართველო. დაფუძნდა 1937 წელს, ორი ფუნქციით – ტექნიკური და კომერციული, რომლებსაც აკონტროლებდა თბილისის საქალაქო საბჭო. “თბილელექტროქსელი” ელექტროენერგიას იღებდა გენერაციის ერთი ობიექტიდან – ზაჰესიდან, რომელიც აშენდა გოელრო-ს გეგმის შესაბამისად.

1965 წელს სსრკ ენერგეტიკისა და ელექტრიფიკაციის სამინისტროს გადაწყვეტილებით “თბილელექტროქსელის” კომერციული ფუნქციები გადაეცა საქენერგოს. თუმცა, ამ პერიოდში აღინიშნა ფულადი სახსრების შეგროვების მნიშვნელოვანი შემცირება და 1968 წელს კომერციული ფუნქციები ისევ გადაეცა “თბილელექტროქსელს”.

1973 წელს გამანაწილებელი ქსელი გაყოფილ იქნა 10 ნაწილად, თბილისის ადმინისტრაციული (რაიონული) დაყოფის შესაბამისად. შემდეგ დაემატა მე-11 რაიონი.

1993 წლის 7 ოქტომბრიდან “თბილელექტროქსელი” გახდა თბილისის საქალაქო საბჭოსთან არსებული მუნიციპალური საწარმო.

რესურსები ინტერნეტში[რედაქტირება]