ვოლფგანგ შოიბლე
ვოლფგანგ შოიბლე (გერმ. Wolfgang Schäuble) (დ. 18 სექტემბერი, 1942, ფრაიბურგი, გერმანული რაიხი, — გ. 26 დეკემბერი, 2023, ოფენბურგი, ბადენ-ვიურტემბერგი, გერმანია) — გერმანელი პოლიტიკური და სახელმწიფო მოღვაწე, ბუნდესტაგის პრეზიდენტი 2017-2021 წლებში.
შოიბლემ მიიღო იურიდიული განათლება ფრაიბურგის და ჰამბურგის უნივერსიტეტები. მისი პოლიტიკური აქტიურობა 1969 წლიდან დაიწყო. იყო ქრისტიან-დემოკრატიული კავშირის წევრი. 1972 წელს აირჩიეს ბუნდესტაგში, რომლის წევრი გარდაცვალებამდე იყო.
კანცლერ ჰელმუტ კოლის მთავრობაში შოიბლე იყო განსაკუთრებულ საქმეთა (1984-1989), შემდეგ — შინაგან საქმეთა მინისტრი (1989-1991). 1990 წელს ხელმძღვანელობდა გერმანიის გაერთიანების შესახებ მოლაპარაკებებს გერმანიის ფედერაციული რესპუბლიკის მხრიდან. ამ პერიოდში შოიბლე ერთ-ერთ ყველაზე პოპულარულ და გავლენიან გერმანელ პოლიტიკოსად იქცა. იმავე წლის ოქტომბერში 48 წლის ვოლფგანგ შოიბლე მძიმედ დაიჭრა მასზე შეიარაღებული თავდასხმის შედეგად ქალაქ ოპენაუში. მას შემდეგ გარდაცვალებამდე ის შშმ პირის ეტლით გადაადგილდებოდა.[1]
2005-2009 წლებში შოიბლე კვლავ შინაგან საქმეთა მინისტრის პოსტს იკავებდა ანგელა მერკელის კაბინეტში, 2009-2017 წლებში კი ფინანსთა მინისტრად მუშაობდა. ამ პერიოდში ის ცნობილი იყო მკაცრი საფინანსო პოლიტიკით, რომელიც ეკონომიის დაცვისკენ იყო მიმართული და სამხრეთ ევროპის ქვეყნებს სესხის აღებისგან თავის შეკავებისკენ მოუწოდებდა. 2017 წელს აირჩიეს ბუნდესტაგის პრეზიდენტად. შოიბლე ამ თანამდებობას 2021 წლის არჩევნებში ქრისტიან-დემოკრატიული კავშირის დამარცხებამდე იკავებდა.
ვოლფგანგ შოიბლე გარდაიცვალა 2023 წელს, 81 წლის ასაკში.[1]
ბიბლიოგრაფია[რედაქტირება | წყაროს რედაქტირება]
- Schäuble, Wolfgang; Koch, Dirk; Wirtgen, Klaus (1991). Der Vertrag. Stuttgart: Dt. Verl.-Anst. ISBN 978-3-421-06605-3.
- —— (1994). Und der Zukunft zugewandt. Berlin: Siedler. ISBN 978-3-88680-555-6.
- —— (1998). Und sie bewegt sich doch. Berlin: Siedler Verlag. ISBN 978-3-88680-650-8.
- —— (2000). Mitten im Leben. München: Bertelsmann. ISBN 978-3-570-00497-5.
- —— (2003). Scheitert der Westen?. München: Bertelsmann. ISBN 978-3-570-00788-4.
- —— (2009). Zukunft mit Mass. Lahr: Johannis. ISBN 978-3-501-05190-0.
სქოლიო[რედაქტირება | წყაროს რედაქტირება]
- ↑ 1.0 1.1 Germany: Ex-Finance Minister Wolfgang Schäuble dies at 81, Deutsche Welle. 12/27/2023.