გურჯაანის სამაროვანი

გურჯაანის სამაროვანი — არქეოლოგიური ძეგლი, რომელიც მდებარეობს ქალაქ გურჯაანის აღმოსავლეთით, დაახლოებით 1 კილომეტრზე, გოძიანთეულად წოდებულ ადგილზე. განეკუთვნება VII-VIII საუკუნეებს.

ძეგლი აღმოჩნდა 1989 წელს, სკოლის მშენებლობის დროს. სამაროვანზე გურჯაანის მხარეთმცოდნეობის მუზეუმის ექსპედიციამ შეისწავლა ორი ქვაყუთი. მოპოვებული არქეოლოგიური მასალა (ბრინჯაოს საკინძები, სამაჯურები და სხვ.) ინახება ქალაქ გურჯაანის მხარეთმცოდნეობის მუზეუმის ფონდებში.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 1-I, თბ., 2013. — გვ. 48-49.