ბურატა
ბურატა (იტალ. burrata, იტალიურად წარმოითქმის: [burˈrata] ) — იტალიური ძროხის რძის (ზოგჯერ კამეჩის) ყველი, რომელიც მზადდება მოცარელასა და ნაღებისგან.[1] გარე გარსი მყარია, ხოლო შიგთავსი შეიცავს სტრაჩატელასა და შედედებულ ნაღებს, რაც მას უჩვეულო, რბილ ტექსტურას აძლევს. დამახასიათებელია აპულიისათვის.
ისტორია[რედაქტირება | წყაროს რედაქტირება]
არის სამხრეთიტალიური, აპულიური პროდუქტი. მზადდება ძროხის რძისგან, დვრიტასგან და ნაღებისგან. შესაძლოა შექმნილი იყოს დაახლოებით 1900 წელს,[2] ძმები ბიანჩინოების (ლორენცო და ვინჩენცო) ფერმაში, ქალაქ ანდრიაში. უახლესმა ახალი ცნობებით, ლორენცო ბიანჩინომ პროდუქტი პირველად 1956 წელს შექმნა.[3]
1950-იან წლებში ბურატა უფრო ფართოდ გახდა ხელმისაწვდომი, რადგან ზოგიერთმა ადგილობრივმა ყველის ქარხანამ მისი წარმოება დაიწყო. ფართო ქარხნული წარმოების დაწყების მიუხედავად, ბურატამ პრემიუმპროდუქტის სტატუსი შეინარჩუნა.[4]
ბურატა ასევე იწარმოება შეერთებულ შტატებში, განსაკუთრებით — აღმოსავლეთ სანაპიროზე მდებარე ქალაქების (სადაც ისტორიულად მრავალი იტალიელი ამერიკელი ცხოვრობს) ხელით დამზადებული ყველის მაღაზიებში.[5] მიუხედავად ამისა, ორიგინალი „Burrata di Andria“ ევროკავშირსა და დიდ ბრიტანეთში რეგისტრირებულია როგორც დაცული გეოგრაფიული აღნიშვნა და ყველა ოპერაცია — ნედლეულის დამუშავებიდან მზა პროდუქტის წარმოებამდე — უნდა განხორციელდეს განსაზღვრულ გეოგრაფიულ რეგიონში — აპულიაში.[6]
სქოლიო[რედაქტირება | წყაროს რედაქტირება]
- ↑ Valvona & Crolla: A Year at an Italian Table. ციტირების თარიღი: 11 December 2017.
- ↑ Burrata, la regina dei formaggi. ციტირების თარიღი: 30 March 2011
- ↑ LA BURRATA DI ANDRIA. LA PRODUZIONE CASEARIA PUGLIESE IN TAVOLA A ROMA.
- ↑ Karen Hochman. (October 2007) Burrata Cheese. Cheese-Butter-Yoghurt Product Reviews. The Nibble. ციტირების თარიღი: 17 March 2011
- ↑ Darlington, Tenaya. Cheese of the Month: Claudio's Mozzarella (20 August 2010). ციტირების თარიღი: 5 August 2020
- ↑ Official Journal of the European Union: "Burrata di Andria" (PGI). ციტირების თარიღი: 7 May 2019