ბარსელონის მეტროპოლიტენი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ ბარსელონა (მრავალმნიშვნელოვანი).
ბარსელონის მეტროპოლიტენი
ესპ. Metro de Barcelona
Logometrobcn.svg
ინფორმაცია
ქვეყანა დროშა: ესპანეთი ესპანეთი
ქალაქი ბარსელონა
გახსნის თარიღი 1924 წ.
ხაზის სიგრძე 157,51 კმ.
სადგურთა რაოდენობა 209
ხაზთა რაოდენობა 9
მგზავრები დღეში
მგზავრები წელიწადში
ხაზების სქემა
Metro Barcelona Map.png

ბარსელონის მეტროპოლიტენი (ესპ. და კატ. Metro de Barcelona) — მეტროპოლიტენი კატალონიის დედაქალაქ ბარსელონაში და მის შემოგარენში, რომელიც წარმოადგენს საქალაქო საზოგადოებრივი ჩქაროსნული ტრანსპორტის სახეობას. ბარსელონას მეტრო ამუშავდა 1924 წელს.

დღეისათვის ბარსელონის მეტროს სისტემაში შედის 209 სადგური 9 ხაზზე, საერთო სიგრძით 157,5 კმ.. მიმდინარეობს სამუშაოები კიდევ 2 ხაზის დასამატებლად.

ბარსელონის მეტროპოლიტენს ემსახურება 2 ოპერატორი: TMB (კატ. Transports Metropolitans de Barcelona) და სარკინიგზო კომპანია FGC (კატ. Ferrocarrils de la Generalitat de Catalunya კატალონიის სახელმწიფო სარკინიგზო გზები).

მგზავრობის ღირებულება €1,30.

ისტორია[რედაქტირება]

ბარსელონის მეტროპოლიტენის პირველი ხაზი გაიხსნა 1924 წ.-ის 30 დეკემბერს კომპანია Gran Metropolitano de Barcelona-ის მიერ და კატალონიის მოედანს აკავშირებდა ლესეპსის სადგურთან: ახლა ეს რეგიონი მიეკუთვნება მესამე კვანძს. მეორე ხაზი, აშენდა კონკურენტი კომპანიის Metropolitano Transversal-ის მიერ და გაიხსნა 1926 წლის 10 ივნისს 1929წლის მსოფლიო გამოფენისთვის და აკავშირებდა ორ სარკინიგზო კვანძს, RENFE-ს ექსპლუატატორებს. მომდევნო მეტროს გახსნა მხოლოდ 1946 წელსღა მოხერხდა. ახალ მშენებლობებს ხელი ეკონომიკურმა და პოლიტიკურმა პრობლემებმა შეუშალა.

1951 წელს ორივე ოპერატორი ქალაქს დაექვემდებარა. ასეთი გადაწყვეტილება ქსელის სწრაფი განვითარების მიზნით მიიღეს.

ხაზები[რედაქტირება]

ბარსელონის მეტროს არსებული 9 ხაზიდან, 6-ს ემსახურებოდა კომპანია TMB, 3 ექსპლუატირდებოდა კატალონიის სარკინიგზო გზების მიერ. დღეისათვის მეტროს სქემებზე ასევე აღნიშნულია ფუნიკულიორის ხაზიც, რომელიც ინტეგრირებულია მეტროპოლიტენთან, და 2 ტრამვაის სისტემა: Trambaix და Trambesòs.

ბარსელონის მეტროს ხაზებს არ გააჩნიათ სახელები. მათი განსხვავება ხდება ნომრებით. ხაზებს 1 - 5 და 11 ემსახურება TMB, 6 - 8 კატალონიის სარკინიგზო გზები.

ხაზის ნომერი რუკის ფერი გაიხსნა მარშრუტი
ხაზი 1 წითელი 1926 Hospital de Bellvitge - Fondo
ხაზი 2 მეწამული 1995 Paral·lel - Pep Ventura
ხაზი 3 მწვანე 1924 Zona Universitària - Trinitat Nova
ხაზი 4 ყვითელი 1973 Trinitat Nova - La Pau
ხაზი 5 ლურჯი 1959 Cornellà Centre - Horta
ხაზი 11 სალათისფერი 2003 Trinitat Nova - Can Cuiàs


ხაზის ნომერი რუკის ფერი გაიხსნა მარშრუტი
ხაზი 6 ლურჯი 1863 Pl. Catalunya - Reina Elisenda
ხაზი 7 ყავისფერი 1954 Pl. Catalunya - Av. Tibidabo
ხაზი 8 ვარდისფერი 1912 Pl. Espanya - Molí Nou-Ciutat Cooperativa

სხვა[რედაქტირება]

ფუნიკულიორის ტიპის რკინიგზა, რომელიც რუკებზე ხშირად მეტროს ნაწილად არის ხოლმე აღნიშნული.

ხაზის ნომერი რუკის ფერი გაიხსნა მარშრუტი
Funicular de Montjuïc მუქი მწვანე 1929 Paral·lel - Parc de Montjuïc

იხილეთ აგრეთვე[რედაქტირება]