ატენის წარწერები

ატენის წარწერები — ძველ ქართულ ასმოთავრულ, ნუსხურ და მხედრულ წარწერათა ერთობლიობა, რომელიც გამოვლენილია გორის მუნიციპალიტეტის სოფელ ატენის ტერიტორიაზე და ატენის ხეობაში. წარწერები აღმოჩენილია:

• დიდი ატენის ნათლისმცემლის ეკლესიაში — იხ. ატენის იოანე ნათლისმცემლის ეკლესიის წარწერა (დაახლოებით VII-VIII სს.); მოხსენიებულია ვეჟან ატენელი მამასახლისი. მას აღუმართავს ჯვარი იოანე ნათლისმცემლის ეკლესიაში.
• დიდი ატენის ღვთისმშობლის მცირეგუმბათიან ეკლესიაში — იხ. ატენის ღვთისმშობლის მცირეგუმბათიანი ეკლესიის წარწერა (დაახლოებით 982–989 წწ.); მოხსენიებულია კლდეკარის ერისთავი რატი, ლიპარიტის ძე. წარწერიდან ირკვევა, რომ ღვთისმშობლის ეკლესია რატი ერისთავს აუშენებია.
• ატენის სიონში — იხ. ატენის სიონის წარწერები.

ამ წარწერებს, განსაკუთრებით კი ატენის სიონის წარწერებს, უდიდესი მნიშვნელობა აქვთ, როგორც ქართული პალეოგრაფიისა, სალიტერატურო ენის ისტორიისა და პოეზიის შესწავლის, ასევე შუასაუკუნეების საქართველოს ისტორიის რეკონსტრუქციის თვალსაზრისით.

ლიტერატურა

• კორნელი დანელია, ზურაბ სარჯველაძე. ქართული პალეოგრაფია. თბ., 1997, გვ. 35–43
• ივ. ჯავახიშვილი, ქართული დამწერლობათამცოდნეობა ანუ პალეოგრაფია, ტფ., 1926, გვ. 168
• ნ. შოშიაშვილი, ქართული წარწერების კორპუსი, I, თბ., 1980, გვ. 106