არაუკარია

არაუკარია (Araucaria), წიწვოვან მცენარეთა გვარი არაუკარიისებრთა ოჯახისა. ცნობილია 20-მდე სახეობა. გავრცელებულია სამხრეთ ამერიკაში, ავსტრალიასა და წყნარი ოკეანის კუნძულებზე. 50-60, ზოგჯერ 90 მ სიმაღლის ბრტყელწიწვიანი, რგოლურად განლაგებული ტოტებისა და ფარჩხატი ვარჯის მქონე ხეებია.

არაუკარია სითბოს მოყვარულია. საქართველოში ინტროდუცირებულია ამ გვარის რამდენიმე სახეობა. მათგან ყველაზე ყინვაგამძლე ჩილური არაუკარია (Araucaria aracuana) ჩილეს მთებიდან არის შემოტანილი და დეკორატიულ მცენარედ მოშენებულია შავი ზღვის სანაპიროზე. სხვა სახეობებს (Araucaria excelsa, Araucaria bidwilli და სხვა) უფრო მეტად ოტახებსა და ორანჟერეებში აშენებენ. ზოგი სახეობის თესლი იჭმება. მერქანს სამსენებლო მასალად იყენებენ.

ლიტერატურა

• ქსე, ტ. 1, გვ. 543, თბ., 1975