ალბერიკ კლემანი

ალბერიკ კლემანი, სენიორი დე მეზი (ფრანგ. Albéric Clément, Seigneur de Mez) (* დაახ. 1165; გ. 3 ივლისი 1191, აკრი) — პირველი საფრანგეთის მარშალი.

ბიოგრაფია

ალბერიკი რობერ III კლერმანის 6 შვილიდან უფროსი იყო. იგი მამაპაპეულ ციხესიმაგრეში იზრდებოდა გატინეს რეგიონში. 1180 წლიდან ალბერიკი საფრანგეთის მეფის ფილიპ II ოგიუსტის მრჩეველი და მინისტრი გახდა. 1190 წელს ფილიპ II-ემ ალბერიკ კლემანისათვის დააარსა სამხედრო წოდება საფრანგეთის მარშალი და იგი პირველი პირი იყო ვინც ამ რანგში აიყვანეს. ალბერიკი ფილიპ II-ეს ახლდა III ჯვაროსნულ ლაშქრობაში. 1191 წლის 3 ივლისს ქალაქ აკრის აღებისას ალბერიკ კლემანი მტრის მრავალრიცხოვან მებრძოლებთან შეტაკებაში დაიღუპა.

1204 წელს ალბერიკის ძმა ანრი I კლემანი საფრანგეთის მარშალი გახდა. სულ კლემანთა საგვარეულომ საფრანგეთს 4 მარშალი მისცა.