სიმებიანი საკრავები

კლასიკური გიტარა

სიმებიანი საკრავები (ქორდოფონები) — მუსიკალური საკრავები, რომელთა ბგერის წყაროა დაჭიმული სიმები. ბგერის სიმაღლეს ცვლის სიმის დამოკლება (მაგალითად ვიოლინოზე) ან მუდმივად გარკვეულ სიმაღლეზე აწყობილი (საკრავის დიაპაზონის ფარგლებში) სიმები (მაგალითად ფორტეპიანო). სიმებიანი საკრავების უმრავლესობა მზადდება სხვადასხვა ჯიშის ხისაგან, ხოლო ბგერის ძირითადი გამომცემი, დეკა, ე. წ. სარეზონანსო ნაძვის ან ფიჭვისაგან. ლითონი, ჩვეულებრივ (სიმების გარდა), გამოიყენება მხოლოდ მექანიზმის დასამაგრებელი დეტალებისათვის.

სიმებიანი საკრავები იყოფა სამ ძირითად ჯგუფად:

• სიმებიან-ხემიანი საკრავები — ვიოლინო, ჭუნირი, აბხარცა;
• სიმებიან-ჩამოსაკრავი საკრავები — ჩონგური, გიტარა, ბალალაიკა, არფა;
• სიმებიან-დასარტყმელი საკრავები — როიალი, კლავისინი, პიანინო, ციმბალები;
• დანარჩენები.

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 347.