რავენა
რავენა (იტალ. Ravenna) — ქალაქი და კომუნა იტალიის ემილია-რომანიას რეგიონში. მდებარეობს ადრიატიკის ზღვის მახლობლად, თუმცა არა მის სანაპიროზე, ზღვასთან დაკავშირებულია არხით. 2009 წლის მონაცემებით მოსახლეობა შეადგენს დაახლოებით 157000 კაცს.
ისტორია
[რედაქტირება | წყაროს რედაქტირება]რავენა ისტორიულ ანალებში ჩანს ძვ. წ. 89 წლიდან. ის თავის დროზე წარმოადგენდა რომაული საზღვაო ფლოტის უმნიშვნელოვნეს ბაზას. 402 წელს დასავლეთ რომის იმპერატორმა ჰონორიუსმა იმპერიის დედაქალაქი მილანიდან რავენაში გადაიტანა.
493 წელს რავენას იღებს ოსტგუთების ბელადი თეოდორიხ დიდი და აქცევს მისი სამეფოს დედაქალაქად. იტალიაში ოსტგუთების ბატონობას ბოლო მოუღო ბიზანტიის იმპერატორმა იუსტინიანე I-მა და მთელი იტალია ბიზანტიას დაუმორჩილა. შემდგომში იმპერატორ მავრიკიოსის მმართველობისას ბიზანტიის იმპერიის შემადგენლობაში ჩამოყალიბდა ნახევრადდამოუკიდებელი რავენის საეგზარქოსო. ამ სტასუსით მან იარსება 751 წლამდე. როდესაც ბიზანტიის სამფლობელოებს იტალიაში დაეპატრონნენ ლანგობარდები.
ღირსშესანიშნაობანი
[რედაქტირება | წყაროს რედაქტირება]რავენაში ადრექრისტიანული ხანის რვა არქიტექტურული ძეგლია, რომელიც იუნესკოს მიერ შეტანილია მსოფლიო მემკვიდრეობის ძეგლების სიაში. ესენია:
- გალა პლაციდიას მავზოლეუმი
- მართლმადიდებლური ბაპტისტერიუმი
- არიანული ბაპტისტერიუმი
- სანტ-აპოლინარე-ნუოვოს ეკლესია
- სანტ-აპოლინარე-ინ-კლასეს ეკლესია
- სან-ვიტალეს ეკლესია
- თეოდორიხის მავზოლეუმი
- რავენის საარქიეპისკოპოსო კაპელა
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 8, თბ., 1984. — გვ. 289.
რესურსები ინტერნეტში
[რედაქტირება | წყაროს რედაქტირება]- რავენას ოფიციალური საიტი
- ტურიზმო რავენა დაარქივებული 2010-11-20 საიტზე Wayback Machine.
- ტურისტის მეგზური
| |||||