კახა გაბუნია
| კახა გაბუნია | |
|---|---|
| დაბ. თარიღი | 6 სექტემბერი, 1964 |
| დაბ. ადგილი | თბილისი, საქართველო |
| მოქალაქეობა |
 სსრკ,  საქართველო |
| მუშაობის ადგილი | თბილისის სახელმწიფო უნივერსიტეტი |
კახა გაბუნია (დ. 6 სექტემბერი, 1964, თბილისი, საქართველო) — ენათმეცნიერი, მეცნიერი, ფილოლოგი, პედაგოგი, სოციოლინგვისტი, მეორე ენის სწავლების ექსპერტი და მულტილინგვური განათლების ექსპერტი. 1998 წელს გახდა ფილოლოგიურ მეცნიერებათა დოქტორი.
ბიოგრაფია[რედაქტირება | წყაროს რედაქტირება]
1981 წელს დაასრულა თბილისის ივანე ჯავახიშვილის სახელობის თბილისის სახელმწიფო უნივერსიტეტი. 1985-2000 წლებში იყო საქართველოს მეცნიერებათა აკადემიის არნოლდ ჩიქობავას სახელობის ენათმეცნიერების ინსტიტუტის თანამშრომელი და უფროსი მეცნიერი. 1993-1996 წლებში თბილისის სახელმწიფო უნივერსიტეტში დოცენტი. 1989 წელს დაიცვა საკანდიტო, ხოლო 1997 წელს სადოქტორო დისერტაცია. 2001-2004 წლებში საქართველოს პრეზიდენტის I ხარისხის დოცენტი და საქართველოს ენის სახელმწიფო აპარატის მთავარი კონსულტანტი.
2004 წლიდან საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრის ქართული ენისა და ლიტერატურის საგნობრივი ჯგუფის კოორდინატორი. 2001-2007 წლებში გადიოდა ტრენინგების კურსს ქართულის, როგორც მეორე ენის სწალების მიმართულებით, რომელიც ეუთოს ეუუკ-ის პროექტის ფარგლებში იმართებოდა.
ამასთანავე 2005 წლიდან დღემდე არის კავშირ "სამოქალაქო ინტეგრაციისა და ევროვნებათშორისი ურთიერთობების ცენტრის დაარქივებული 2021-09-06 საიტზე Wayback Machine. " დამფუძნებელი, გამგეობის წევრი, რომლის ფარგლებშიც ეთნიკურ უმცირესობათა ინტეგრაციის მიმართულებით 30-ზე მეტ საერთაშორისო პროექტებში მიიღო მონაწილეობა. 2010 წლიდან დღემდე თბილისის სახელმწიფო უნივერსიტეტში ხელმძღვანელობს მულტილინგვური განათლების საბაკალავრო პროგრამას. 2012-2016 წლებში კი გადიოდა ტრენინგების ციკლს მულტილინგვური განათლების მიმართულებით პროგრამა ტემპუსის პროექტის ფარგლებში.
კახა გაბუნიას შრომები ეხება ენათმეცნიერებას, განსაკუთრებით კი მორფოლოგიას, სინტაქსსა და შედარებით ენათმეცნიერებას. 60-ზე მეტი სამეცნიერო სტატიების, 30-ზე მეტი სახელმძღვანელოსა და 6 მონოგრაფიის ავტორი. მონაწილეობდა უამრავ სამეცნიერო გრანნტებსა და პროგრამებში.
ორგანიზაციის, ასოციაციის ან ჯგუფის წევრი[რედაქტირება | წყაროს რედაქტირება]
- ჟურნალ „მულტილინგვური განათლების“ რედაქტორი (2012)
- ჟურნალ „ბილინგვური განათლების“ სარედაქციო კოლეგიის წევრი, რედაქტორის მოადგილე (2009-2011)
- ჟურნალ „მერმისის“ სარედაქციო კოლეგიის თავმჯდომარე (2004-2005)
- ჟურნალ „ბურჯი ეროვნებისას“ სარედაქციო კოლეგიის წევრი, რედაქტორის მოადგილე (1996-2000)
- ბესარიონ ჯორბენაძის საზოგადოების წევრი (1996)
ბიბლიოგრაფია[რედაქტირება | წყაროს რედაქტირება]
- ბრუნვათა სისტემები ქართველურ ენებში : დიაქრონიული ანალიზი (ავტორი). - თბილისი, საიმედო, 2007. - 208გვ.
- ქართული ენა : სავარჯიშოების კრებული : მე-7 კლასი (ავტორი). - თბილისი, დედაენა, 2000. - 108გვ.
- ქართული ენა : სავარჯიშოების კრებული : მე-5 კლასი (ავტორი). - თბილისი, დედაენა, 2000. - 100გვ.
- ზმნისართის წარმოება და ფუნქციები ქართველურ ენებში (ავტორი). - თბილისი, მეცნიერება, 1993. - 176გვ.