იბნ ჰაიანი

იბნ ჰაიანი, აბუ მარვან ჰაიან იბნ ხალაფ იბნ ჰასან ალ-კურტუბი (დ. 987/988, კორდოვა — გ. 30 ოქტომბერი, 1076, იქვე) — ესპანეთის არაბი ისტორიკოსი და პოეტი. ეკავა კორდობის დაცვის უფროსის თანამდებობა. ავტორია პოემებისა, საღვთისმეტყველო ტრაქტატებისა, ისტორიული ქრონიკებისა. მისი შრომა „ანდალუსიის ხალხთა ისტორიის შესახებ ამოკრეფილი ცნობები“ მნიშვნელოვანი წყაროა ომაიანების დროის მუსლიმანური ესპანეთის ისტორიისათვის.

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 73.