თბილისის მოზარდ მაყურებელთა რუსული თეატრი

თბილისის მოზარდ მაყირებელთა რუსული თეატრი — ერთ-ერთი პირველი საბავშვო თეატრი ამიერკავკასიაში. დაარსდა 1927 წელს. მისი ორგანიზატორები იყვნენ ნ. მარშაკი, კ. შაჰაზიზოვი, მ. ვახნიანსკი, კ. ვაისერმანი, მ. ბარუჩევი. სხვადასხვა წლებში თეატრში მუშაობდნენ რეჟისორები: გ. ტოვსონოგოვი, ა. გინზბურგი, მ. ოლშანიცკაია, რ. შაფთოშვილი, კ. სურმავა და სხვა. მსახიობები: ნ. ნერიასოვი, მ. რუსლანოვი, მ. ბუბუთეიშვილი, ჩ. კიროვა, ო. ბელენკო, მ. რომანოვი, ვ. ურუსოვი, ნ. ჭონიშვილი, ი. სუხანოვი და სხვა. დაარსების დღიდან 1960-მდე თეატრის სამხატვრო ხელმძღვანელი იყო ნ. მარშაკი, რომლის სახელთანაც არის დაკავშირებულითეატრის მნიშვნელოვანი შემოქმედებითი მიღწევები.

ლიტერატურა

• სტეფანოვა ლ., ქართული საბჭოთა ენციკლოპედია, ტ. 4, თბ., 1979. — გვ. 609.