დიდების ორდენი
დიდების ორდენი (რუს. Орден Славы) — სამხედრო ორდენი. დაწესდა სსრკ-ის უმაღლესი საბჭოს პრეზიდიუმის 1943 წლის 8 ნოემბრის ბრძანებულებით. დიდების ორდენით აჯილდოებდნენ საბჭოთა არმიის რიგით და სერჟანტთა შემადგენლობას, ავიაციაში კი უმცროს ლეიტენანტებსაც, რომელთაც თავი გამოიჩინეს სამშობლოსათვის ბრძოლაში. ორდენი წარმოადგენს ხუთქიმიან ვარსკვლავს; 3 ხარისხისაა, I ხარისხისა მზადდება ოქროსაგან, II და III ხარისხისა — ვერცხლისაგან. ატარებენ მკერდის მარცხენა მხარეს.
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 3, თბ., 1978. — გვ. 507.