Lacoste

მასალა ვიკიპედიიდან — თავისუფალი ენციკლოპედია
Lacoste
დაფუძნდა 1933
სათავო ოფისი პარიზი, საფრანგეთი
მმართველი
რენე ლაკოსტი
პროდუქცია ტანსაცმელი, ფეხსაცმელი, პარფიუმერია

ლაკოსტი (Lacoste) — ფრანგული კომპანია. დაარსდა 1933 წელს, სიმბოლო და ლოგოზე არის გამოსახულება მწვანე ნიანგი. იგი დააარსა ცნობილმა ფრანგმა ჩოგბურთელმა[1] რენე ლაკოსტმა (1904–1996) [2]

ისტორია[რედაქტირება | წყაროს რედაქტირება]

1923 წელს რენე ლაკოსტმა მოიგო დევისის ჩემპიონატი. რის შედეგადაც, გადმოცემის თანახმად, მწვრთნელთან დადებულ სანაძლეოში (ჩემპიონატის მოგებაზე) მოიგო ნიანგის ტყავისგან დამზადებულ ჩემოდანი. სწორედ ამის გამო შეარქვეს მეტსახელად "ნიანგი" (ალიგატორი). მისმა ახლობელმა რობერტ ჯორჯმი იტაცებს იდეს და უხატავს მას ნიანგს, რომელიც 1927 წელს ამერიკაში ჩატარებულ ჩემპიონატში ამოქარგული იქნა რენეს მაისურზე, რომლითაც იგი ღებულობს შეჯიბრებაში მონაწილეობას. მან მოიგო ეს შეხვედრა. რენეს მიერ პირველად მსოფლიოში სპორტულ მოედანზე ჩაცმულმა მოსახერხებელმა მოკლე სახელოიანმა ტრიკოტაჟის მაისურმა მთელს მსოფლიოში მოიპოვა პოპულარობა. [3]

1933 წელს რენე ლაკოსტმა სპორტში მნიშვნელოვანი წარმატებების მიღწევის შემდეგ (10 გზის "დიდი შლემის" ჩამპიონატის გამარჯვებული) დაამთავრა თავის სპორტულ კარიერას და იმ დროისთვის საფრანგეთში ყველაზე დიდი ტრიკოტაჟის ფაბრიკის მმართველთან ანდრე ჟილესთან ერთად აფუძნებს ახალ ბრენდს, რომელსაც არქმევს თავის სახელს – ლაკოსტ.

ახალი კომპანიის მიერ შექმნილი პირველი პროდუქტი იყო, უკვე ცნობილი, ტენისის თეთრი პერანგი მწვანე ნიანგით. ამავე დროს ბრენდი ლაკოსტ მუშაობდა სხვა სახეობის სპორტული მაისურების დამზადებაზე.

1951 წლიდან კომპანია ლაკოსტმა გააფართოვა თავის პროდუქციის ასორტიმენტი და დაიწყო თეთრის გარდა ფერადი სპორტული მაისურების წარმოებას. 1952 წელს ლაკოსტის მაისური გაგზავნილი იქნა ამერიკაში როგორც "პროფესიონალი სპორტსმენის სიმბოლო". ამერიკაში მაისურმა სწრაფად მოიპოვა პოპულარობა. თანაც მნიშვნელოვანი იყო ისიც, რომ პროდუქცია იკერებოდა ამერიკული ზომების სისტემით ყველაზე პატარა ზომებშიც.

1963 წელს კომპანია ლაკოსტის მართველობა გადადის მისი შვილის ბერნარდ ლაკოსტის ხელში. ამის შემდეგ ლაკოსტის ლოგო ამშვენებს ფირმის მიერ გამოშვებულ ყველა პროდუქციას: სპორტული ტანსაცმელს, სპორტული ინვერტარს, პარფიუმერიას, სათვალეების ჩანთებს, საათებს, ფეხსაცმელს და სხვა აქსესუარებს.

70–იან წლებში ლაკოსტი ხდება ძალიან პოპულარული ბრენდი მთელს მსოფლიოში. ყველაფერი, რაც იქმნებოდა სამოდელო სახლ ლაკოსტში მომენტალურად იძენდა საოცარ პოპულარობას.

სპორტული ბრენდიდან ლაკოსტი გადაიქცა ყოველდღიურ, ყველასთვის მოსახერხებელ, მოდურ ბრენდად.

2004 წლის დასაწყისში ბერნარ ლაკოსტი სერიოზულად დაავადდა რის გამოც კომპანიის მმართველობა გადადის უმცროსი ძმის – მიშელ ლაკოსტის ხელში. ბერნარდი გარდაიცვალა 2006 წლის 21 მარტს პარიზში.

2005 წელს კომპანიის დიზაინერი და სამოდელო სახლის დირექტორი კრისტოფ ლემერი ცვლის ბრენდის ემბლემას და ნიანგი ხდება ვერცხლისფერი.

დღევანდელ დღეს კომპანია ლაკოსტის 65% წილის მფლობელი არის ლაკოსტის ოჯახი, 35% წილის კომპანია დევანლეი (Devanlay). ლაკოსტის პარფიუმერული ხაზის ლიცენზიის მფლობელია კომპანია Procter and Gamble. ლაკოსტის სათაო ოფისი მდებარეობს პარიზში.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Lacoste Logo: Design and History. Famouslogos.net. დაარქივებულია ორიგინალიდან — 2013-02-24. ციტირების თარიღი: 2011-07-29.
  2. Overview Lacoste French Apparel – Rene Lacoste. textilefabricgarment.com. დაარქივებულია ორიგინალიდან — 2013-10-16. ციტირების თარიღი: 2013-09-08.
  3. Lacoste history
მოძიებულია „https://ka.wikipedia.org/w/index.php?title=Lacoste&oldid=4557024“-დან