Ice Spice

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან Ice Spice (მუსიკოსი))
Ice Spice
ინგლ. Isis Gaston

ბიოგრაფია
ნამდვილი სახელი აისის გასტონი
დაბ. თარიღი 1 იანვარი, 2000 (2000-01-01) (24 წლის)
დაბ. ადგილი ბრონქსი, ნიუ-იორკი, ნიუ-იორკი, აშშ[1]
წარმოშობა ნიუ-იორკი, აშშ
ეროვნება Dominican Americans[2] და Nigerian Americans[2]
ჟანრ(ებ)ი ჰიპ-ჰოპი
აქტიური 2021 - დღემდე
საიტი hoo.be/icespice
Ice Spice ვიკისაწყობში

აისის გასტონი, ცნობილი როგორც Ice Spice (ინგლ. Isis Gaston; დ. 1 იანვარი, 2000 წელი, ნიუ-იორკი, აშშ) — ამერიკელი რეპერი. გაიზარდა ბრონქსში, ნიუ-იორკში. მუსიკოსმა კარიერა დაიწყო 2021 წელს, მას შემდეგ რაც შეხვდა ხმის ჩამწერ პროდიუსერ RiotUSA-ს ნიუ-იორკის უნივერსიტეტში სწავლის დროს.

პოპულარობა მოიპოვა 2022 წლის ბოლოს თავისი სიმღერით „Munch (Feelin' U)". გამოუშვა კომპოზიციები „Bikini Bottom" და „In Ha Mood", რომლებიც წინ უძღოდნენ მის სადებიუტო EP-ს „Like..?“ (2023).

2023 წელს მუსიკოსის სინგლი „Gangta Boo“ მოხვდა Billboard Hot 100-ის ჩარტში. ასევე Ice Spice-ის რემიქს სინგლი „Boy's a Liar Pt. 2", რომელიც მუსიკოსმა გამოუშვა PinkPantheress-ისთან ერთად, გავიდა ჩარტში მესამე ადგილზე. ჟურნალ The New York Times-ის ჟურნალისტმა, ჯონ კარამანიკმა, Ice Spice-ის „რეპის ახალი პრინცესა“ უწოდა. ასევე მუსიკოსი ჟურნალმა თაიმმა წლის საუკეთესო ახალ არტისტად დაასახელა.[3]

ადრეული ცხოვრება[რედაქტირება | წყაროს რედაქტირება]

აისის გასტონი დაიბადა 2000 წლის 1 იანვარს ბრონქსში, ნიუ-იორკში.[4][5][6] ის ხუთი და-ძმიდან ყველაზე უფროსია. მამა, ყოფილი რეპერი, აფრო-ამერიკელია, ხოლო დედა დომინიკელი.[7] მუსიკოსის მშობლები ერთმანეთს პირველად შეხვდნენ მაკდონალდსში და განქორწინდნენ მაშინ, როდესაც გასტონი ორი წლის იყო.[8][9]

მუსიკოსის მშობლები მუშაობდნენ, შვილებისთვის დრო არ რჩებოდათ, რის გამოც მუსიკოსი და მისი და-ძმები დიდ დროს ატარებდნენ ბებია-ბაბუასთან და ბიძაშვილებთან ერთად. სწავლობდა ბრონქსში. ამის შემდეგ მუსიკოსმა სწავლა დაიწყო კათოლიკურ საშუალო სკოლაში, იონკერში. შვიდი წლის ასაკში დაინტერესდა ჰიპ ჰოპით.[10] თინეიჯერობის ასაკში, სკოლაში და კოლეჯში სწავლის დროს, უსმენდა ისეთ ცნობილ რეპერებს, როგორებიც არიან Lil' Kim, ნიკი მინაჟი, Cardi B, Foxy Brown და Remy Ma. სწორედ ამ არტისტებისგან აიღო Ice Spice-იმ თავისი სტილისა და სიმღერის ტექსტების ინსპირაცია.

კარიერა[რედაქტირება | წყაროს რედაქტირება]

Ice Spice-იმ კარიერა 2021 წელს დაიწყო. ამ დროს შეხვდა ხმის ჩამწერ პროდიუსერ RiotUSA-ს, ნიუ-იორკის სახელმწიფო უნივერსიტეტში სწავლის დროს. მუსიკოსმა მალევე მიატოვა სწავლა. მან RiotUSA-ისთან ერთად შექმნა თავისი სადებიუტო სიმღერა, „Bully Freestyle", რომელიც გამოვიდა 2021 წლის მარტში, მას შემდეგ, რაც მუსიკოსის ვიდეო ვირუსულად გავრცელდა Twitter-ზე.

მუსიკოსის სიმღერამ „Name of Love" მოიპოვა დიდი მოწონება SoundCloud-ზე, რამაც განაპირობა მისი პოპულარობის გაზრდა ინსტაგრამზე.[11] მისმა სიმღერამ „Munch (Feelin' U)", რომელიც გამოვიდა 2022 წლის 10 აგვისტოს, პოპულარობა მალევე მოიპოვა. ის ვირუსულად გავრცელდა Twitter-სა და TikTok-ზე, ასევე მოხვდა Billboard-ის Hot R&B/Hip-Hop სიმღერებისა და Bubbling Under Hot 100 ჩარტებში.[12][13]

2022 წლის სექტემბერში Ice Spice-იმ გამოუშვა კოლაბორაციული ნამუშევარი, „One Time“, B-Lovee-ისთან ერთად. იმავე თვეში მუსიკოსმა ხელი მოაწერა ხელშეკრულებას ლეიბლებთან, 10K Projects და Capitol Records. 28 ოქტომბერს მან გამოუშვა სინგლი „Bikini Bottom". Ice Spice-ის სადებიუტო EP, „Like..?“, გამოვიდა 2023 წლის 20 იანვარს. ალბომში შევიდა სინგლები: „Munch (Feelin' U)", „Bikini Bottom" და „In Ha Mood".[14][15]

2023 წლის თებერვალში მუსიკოსმა გამოუშვა კოლაბორაციული ნამუშევარი „Gangsta Boo". კომპოზიცია გახდა მისი პირველი სიმღერა Billboard Hot 100-ში, რომელიც მოხვდა ჩარტში და გავიდა 82-ე ადგილზე. 2023 წლის 3 თებერვალს მან გამოუშვა მომღერალ PinkPantheress-ისთან ერთად რემიქსი, „Boy's a Liar Pt. 2". სიმღერამ ბილბორდის ცხელ ასეულში მე-3 ადგილი დაიკავა.[16] მუსიკოსი გამოსვლიდან რამდენიმე დღეში ვირუსულად გავრცელდა TikTok-ზე და მოხვდა სთრიმინგ პლატფორმების ჩარტის სათავეშიც.

სტილი[რედაქტირება | წყაროს რედაქტირება]

Ice Spice ძირითადად ბრონქსის რეპის სტილში მღერის. მისი სახელი მომდინარეობს „finsta"-დან (საიდუმლო ინსტაგრამის ანგარიშიდან), რომელიც მან 14 წლის ასაკში შექმნა. მუსიკოსმა თქვა, რომ ის თვითონ წერს სიმღერებს.

მუსიკოსის თქმით, მას რეპერის კარიერის დაწყება პირველად შთააგონეს Sheff G-მა და Pop Smoke-მა. ასევე მუსიკოსი აქტიურად უსმენდა შემდეგ მუსიკოსებს: Lil' Kim, Nicki Minaj, Cardi B, Foxy Brown და Remy Ma.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ↑ Allmusic — 1991.
  2. ↑ 2.0 2.1 https://news.yahoo.com/ice-spice-reveals-shes-nigerian-162444917.html
  3. ↑ Why Rapper Ice Spice Is Suddenly Everywhere en (2023-02-23). ციტირების თარიღი: 2023-02-24
  4. ↑ Ihaza, Jeff (October 14, 2022). „How Ice Spice Added a Touch of Zest to New York's Drill Scene slatt“. Rolling Stone. ციტირების თარიღი: October 15, 2021.
  5. ↑ Neog, Anupal Sraban. (August 24, 2022) Ice Spice age explored as rapper parties with Drake in Toronto, Canada. ციტირების თარიღი: November 27, 2022
  6. ↑ Caramanica, Jon (January 20, 2023). „Ice Spice Broke Out With 'Munch.' Rap's New Princess Is Just Warming Up“. The New York Times. ISSN 0362-4331. ციტირების თარიღი: January 21, 2023.
  7. ↑ Ramos, Danteé. (November 16, 2022) Ice Spice Reveals She's Nigerian And Dominican After Fan Says She 'Looks So Igbo'. Yahoo! News. ციტირების თარიღი: January 25, 2023
  8. ↑ Rouhani, Neena (October 26, 2022). „Ice Spice: October R&B/Hip-Hop Rookie of the Month“. Billboard. ციტირების თარიღი: December 5, 2022.
  9. ↑ Black Dave (host). (May 15, 2022). Ice Spice on Becoming The Female Face of Bronx Drill. No Jumper. https://www.youtube.com/watch?v=H91MADIRsQM&ab_channel=NoJumper.
  10. ↑ Brown, D'Shonda. GU Jams: We Know We're Not The Only Ones Feeling Ice Spice (September 16, 2022). ციტირების თარიღი: September 23, 2022
  11. ↑ P, Gabe (host). (May 17, 2022). Ice Spice On Toosii Cosign, Teases Music w/ Dusty Locane, Shani Boni, "Name Of Love" Blowing Up. On the Radar. https://www.youtube.com/watch?v=NPcB6BTMrV8&ab_channel=OnTheRadarRadio.
  12. ↑ Gee, Andre (September 15, 2022). „Meet the Artists Taking New York Drill in a New Direction“. Rolling Stone. ციტირების თარიღი: September 18, 2022.
  13. ↑ Richards, Chris (September 27, 2022). „Ice Spice raps like she's in her own head. Is she in yours yet?“. The Washington Post. ციტირების თარიღი: November 11, 2022.
  14. ↑ McCafferty, Kenna (October 28, 2022). „Ice Spice's 'Bikini Bottom' is Topping TikTok“. Paper. ციტირების თარიღი: October 29, 2022.
  15. ↑ Espinoza, Joshua. (January 20, 2023) Ice Spice Drops 'Like..?' EP f/ Hit Single "Munch (Feelin' U)" and Lil Tjay Collab. ციტირების თარიღი: January 20, 2023
  16. ↑ Aniftos, Rania; Lipshutz, Jason; Mamo, Heran; Unterberger, Andrew; Werthman, Christine. Five Burning Questions: PinkPantheress & Ice Spice’s ‘Boy’s a Liar’ Debuts at No. 14 on the Hot 100 (February 14, 2023).
მოძიებულია „https://ka.wikipedia.org/w/index.php?title=Ice_Spice&oldid=4519381“-დან