Dota 2

Dota 2
დეველოპერ(ებ)ი	Valve Corporation
გამომცემელი	Valve Corporation
სერია	Dota
ძრავა	Source 2
პლატფორმ(ებ)ი	Windows 9 ივლისი, 2013 Linux, OS X 18 ივლისი, 2013
გამოსვლის თარიღი	9 ივლისი, 2013
ჟანრ(ებ)ი	მრავალმოთამაშიანი ონლაინ საბრძოლო არენა
რეჟიმ(ებ)ი	მრავალმოთამაშიანი
დიზაინერ(ებ)ი	icefrog
კომპოზიტორი	Jason Hayes და Tim Larkin
ლიცენზია	proprietary license
საიტი	http://www.dota2.com/

Dota 2 — მრავალმოთამაშიანი ონლაინ საბრძოლო არენისს (MOBA)-ს ჟანრის ვიდეო თამაში, შექმნილი და გამოცემული კომპანია Valve Corporation-ის მიერ. თამაში წარმოადგენს DotA-ს (Defense of the Ancients) გაგრძელებას სათაურზე Defense of the Ancients (DotA) — მომხმარებლების მიერ შექმნილი მოდიფიკაცია კომპანია Blizzard Entertainment-ის თამაშისთვის Warcraft III: Reign of Chaos. Dota 2 ორ გუნდს შორის ტარდება, თითოეულში ხუთი მოთამაშით. გუნდები იკავებენ და იცავენ საკუთარ ბაზებს რუკის ორ საწინააღმდეგო მხარეს. თითოეული მოთამაშე მართავს უნიკალურ პერსონაჟს, რომელიც ცნობილია როგორც გმირი — მათ აქვთ განსხვავებული უნარები და თამაშის სტილი. მატჩის მიმდინარეობისას მოთამაშეები აგროვებენ გამოცდილების ქულებს (XP) და ნივთებს, რათა დაამარცხონ მოწინააღმდეგის გმირები მოთამაშის წინააღმდეგ მოთამაშის (PvP) ბრძოლებში. გამარჯვება მიიღწევა იმ გუნდის მიერ, რომელიც პირველი გაანადგურებს მოწინააღმდეგის სიძველეს (Ancient) — დიდ და გამძლე სტრუქტურას, რომელიც ბაზის ცენტრში მდებარეობს.

Dota 2-ის განვითარება დაიწყო 2009 წელს, როდესაც DotA-ს წამყვანი დიზაინერი, IceFrog, დასაქმდა Valve-ში თამაშის თანამედროვე ვერსიის შესაქმნელად Source გეიმინგ-ძრავაზე. თამაში გამოვიდა Windows, OS X და Linux პლატფორმებზე 2013 წლის ივლისში, Steam-ის მეშვეობით, მას შემდეგ რაც ორი წლის განმავლობაში მიმდინარეობდა მხოლოდ Windows-სისტემაზე ხელმისაწვდომი ღია ბეტა ტესტირება. თამაში სრულად უფასოა — არცერთი გმირი ან სათამაშო ელემენტი არ საჭიროებს შეძენას ან განბლოკვას. Valve თამაშს უწევს მუდმივ მხარდაჭერას როგორც სერვისს, ხოლო შემოსავალს იღებს ლუტბოქსებისა და სააბონენტო სისტემის, Dota Plus-ის მეშვეობით, რომელიც სთავაზობს მოთამაშეებს თამაშზე არამოქმედ ვირტუალურ ელემენტებს, მათ შორის გმირების კოსმეტიკურ გაფორმებებსა და ხმოვან პაკეტებს. 2015 წელს თამაში გადატანილ იქნა Source 2 ძრავზე და გახდა პირველი თამაში, რომელიც ამ ძრავას იყენებს.

Dota 2 გამოირჩევა ფართო კიბერსპორტული (ესპორტული) ეკოსისტემით — პროფესიონალური გუნდები მონაწილეობენ სხვადასხვა ლიგებსა და ტურნირებში. Valve ორგანიზებას უწევს Dota Pro Circuit-ს, რომლის ტურნირებიც მონაწილე გუნდებს აძლევს საკვალიფიკაციო ქულებს თამაშის უმაღლესი დონის შეჯიბრში The International მონაწილეობის მოსაპოვებლად. The International გამოირჩევა მომხმარებლების მიერ დაფინანსებული საპრიზო ფონდით, რომელიც ხშირად აჭარბებს 40 მილიონ აშშ დოლარს, რაც Dota 2-ს ერთ-ერთ ყველაზე მაღალშემოსავლიან კიბერსპორტულ თამაშად აქცევს. ტურნირების მედია გაშუქება ხორციელდება-კომენტატორებისა და ანალიტიკოსების მიერ, მსგავსად ტრადიციული სპორტული ღონისძიებებისა. თამაშები გადაცემულია პირდაპირ ეთერში როგორც არენებსა და სტადიონებში, ისე ონლაინ პლატფორმებზე და ზოგჯერ სატელევიზიო ეთერშიც, სადაც მაყურებელთა რაოდენობა ხშირად მილიონებს აღწევს.

თამაშს ხშირად აკრიტიკებენ მისი რთული შესწავლის მრუდისა და სირთულის გამო, თუმცა მას ხშირად აქებენ გამომწვევი და შთამბეჭდავი გეიმპლეის, ტექნიკური ხარისხისა და წინამორბედთან ერთგულების გამო. ბევრი მიიჩნევს მას ყველა დროის ერთ-ერთ საუკეთესო ვიდეოთამაშად. თამაშის პოპულარობა მუდმივად მაღალია — მისი გამოშვებიდან დღემდე ის Steam-ის ერთ-ერთი ყველაზე ხშირად ნათამაშები თამაშია, ერთდროული მოთამაშეების რაოდენობით, რომელიც მილიონს აღემატებოდა. თამაშმა ასევე შვა სხვადასხვა მედიაპროდუქტები — მათ შორის კომიქსები, ანიმე სერიალი, და კროსოვერ-პროექტები სხვა თამაშებთან. Dota 2 ასევე იძლევა საშუალებას საზოგადოებას შექმნას საკუთარი თამაშის რეჟიმები, რუკები და კოსმეტიკური ელემენტები, რომლებიც აიტვირთება Steam Workshop-ში. თამაშის ორი სპინ-ოფი — Artifact და Dota Underlords — ასევე გამოუშვა Valve-მა.

Dota 2 ასევე გამოიყენება ხელოვნური ინტელექტის კვლევებში — ცნობილი მაგალითია OpenAI Five, ბოტების გუნდი, რომელმაც პროფესიონალი მოთამაშეების წინააღმდეგ გამარჯვება შეძლო.

ლიტერატურა

• McDonald, Tim (July 25, 2013). "A Beginner's Guide to Dota 2: Part One – The Basics". PC Invasion. Archived from the original on August 11, 2016. Retrieved August 1, 2016.

რესურსები ინტერნეტში

• Steam(ინგლისური) — Steam-ის ოფიციალური საიტი.
• Valve(ინგლისური) — Valve Corporation-ის ოფიციალური საიტი.
• Steam(ინგლისური) — Dota 2 Steam-ის მარკეტზე.