ჰუსეინ რაჰმი გურფინარი
| ჰუსეინ რაჰმი გურფინარი | |
|---|---|
 | |
| დაბადების თარიღი | 17 აგვისტო, 1864[1] [2] |
| დაბადების ადგილი | სტამბოლი |
| გარდაცვალების თარიღი | 8 მარტი, 1944[1] [2] (79 წლის) |
| გარდაცვალების ადგილი | Heybeliada |
| საქმიანობა | პოლიტიკოსი, მთარგმნელი, მწერალი და ჟურნალისტი |
| ენა | თურქული ენა[3] |
| მოქალაქეობა |
 ოსმალეთის იმპერია თურქეთი |
| ალმა-მატერი | Ankara University Faculty of Political Science |
ჰუსეინ რაჰმი გურფინარი (დ. 17 აგვისტო, 1864, სტამბოლი — გ. 8 მარტი, 1944, იქვე) — თურქი მწერალი.
ბიოგრაფია[რედაქტირება | წყაროს რედაქტირება]
დაიბადა სულთნის კარის მოხელის ოჯახში. შეისწავლა ფრანგული ენა. მუშაობდა წვრილი მოხელის თანამდებობაზე. 1908 წელს, ბურჟუაზიული რევოლუციის შემდეგ, მწერლობით ირჩენდა თავს. მისი თხზულებების პერსონაჟები სტამბოლის მკვიდრნი არიან. მწერალი ე. წ. „პატარა კაცის“ გულის მესაიდუმლეა. ილაშქრებს სოციალური უსამართლობის წინააღმდეგ, დასცინის თურქეთის მაღალი საზოგადოების გალომანიას. ავტორია რომანებისა „შიკი“ (1889), „ხასა“ (1900), „მოკვეთილი თავი“ (1942), „გიჟი ვარ“ (1944), მოთხრობების კრებულებისა და პიესებისა. მისი ნაწარმოებების სტილი მსუბუქია, შეიცავს სტამბოლის სალაპარაკო ენის ელემენტებს.
ლიტერატურა[რედაქტირება | წყაროს რედაქტირება]
- გოცირიძე ი., ქართული საბჭოთა ენციკლოპედია, ტ. 11, თბ., 1987. — გვ. 698.