ჯეისონ ბეიტმანი

ჯეისონ ბეიტმანი
ბეიტმანი 2011 წელს.
დაბადების სახელი	ჯეისონ კენტ ბეიტმანი
დაბადების თარიღი	14 იანვარი, 1969 (1969-01-14) ნიუ-იორკი, აშშ
ეროვნება	ამერიკელი
მოქალაქეობა	აშშ
საქმიანობა	მსახიობი პროდიუსერი რეჟისორი
აქტიური	1981-დღემდე
მეუღლე(ები)	ამანდა ანკა (იქ. 2001)
შვილ(ებ)ი	2
მშობლები	მამა: კენტ ბეიტმანი
ნათესავები	ჯასტინ ბეიტმანი (და) პოლ ანკა (მამამთილი)

ჯეისონ კენტ ბეიტმანი (ინგლ. Jason Kent Bateman; დ. 14 იანვარი, 1969) — ამერიკელი მსახიობი, რეჟისორი და პროდიუსერი. მან მსახიობობა 1980-იან წლებში დაიწყო, სატელევიზიო სერიალებში მონაწილეობით, სატელევიზიო სერიალებს შორისაა: ამერიკული ისტორიული დრამატული სერიალი „Little House on the Prairie“, „Silver Spoons“ და „The Hogan Family“. 2000-იან წლებში „Arrested Development“-ში შესრულებულ მაიკლ ბლათის როლს დიდი გამოხმაურება მოჰყვა. ამ როლის შესრულებით მან ოქროს გლობუსი და სატელიტის ჯილდო მოიგო. იგი ასევე გადაღებულია შემდეგ ფილმებში: „Teen Wolf Too“ (1987), „განქორწინება ამერიკულად“ (2006), „ჯუნო“ (2007), „ჰენკოკი“ (2008), „ცაში მინდა“, „სიყვარულის ფორმულა დაქორწინებულთათვის“, „ექსტრაქტი“ (სამივე 2009), „მეგობარზე მეტი“ (2010), „აუტანელი ბოსები“ (2011) და მისი შემდეგი ნაწილი „აუტანელი ბოსები 2“ (2014), „საჩუქარი“ (2015), „კორპორატიული წვეულება“, „ზოოტოპია“ (ორივე 2016), „დამპლური თამაშები“ (2018).

რეჟისორია ფილმების: „ცუდი სიტყვები“ (2013), „ფენგების ოჯახი“ (2015), „ოზარკი“ (2017-დღემდე). მას აღებული აქვს „პრაიმტაიმ ემი ნომინაცია“ და კინომსახიობთა გილდიის ჯილდო.

ადრეული წლები

ჯეისონ ბეიტმანი დაიბადა 1969 წლის 14 იანვარს, ნიუ-იორკში. როდესაც, ჯეისონი 4 წლის იყო, მისი ოჯახი საცხოვრებლად ჯერ სოლტ-ლეიკ-სიტიში გადავიდა, შემდეგ კი კალიფორნიაში. დედამისი, ვიქტორია ელიზაბეტი წარმოშობით ინგლისელია. ხოლო მამამისი, კენტ ბეიტმანი, ამერიკელი მსახიობი, რეჟისორი და პროდიუსერია. მისი უფროსი და, ჯასტინ ბეიტმანიც მსახიობია. ბეიტმანს ასევე ჰყავს სამი ნახევარ ძმა.

პირადი ცხოვრება

ბეიტმანი 2001 წლის 3 ივლისს კანადელი მომღერლის, პოლ ანკას ქალიშვილზე – ამანდა ანკაზე დაქორწინდა. წყვილს ჰყავს ორი ქალიშვილი.