ძველი ოსების კოშკი

ძველი ოსების კოშკი — არქიტექტურული ძეგლი დუშეთის მუნიციპალიტეტის სოფელ ძველი ოსების (ახლანდელი - სოფელი ნიკორნა) სამხრეთ-აღმოსავლეთით 500 მეტრზე, მდინარე აბანოსხევის (არაგვის მარცხენა შენაკადი) მარცხენა ნაპირზე. განეკუთვნება შუა საუკუნეებს. კოშკი გეგმით კვადრატულია (5,5 x 5,5 მეტრი), ნაგებია ნატეხი ქვითა და დუღაბით. დანგრეულია. შემორჩენილია მხოლოდ ერთი სართული, რომელიც მთლიანად ამოვსებულია ნანგრევებით.

ლიტერატურა

• წერეთელი კ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 347.