შმიდტის ნესტრის ტკივილის ინდექსი
შმიდტის ნესტრის ტკივილის ინდექსი — შკალა, რომელიც ზომავს მწერების, ძირითადად სიფრიფანაფრთიანების ნესტრისგან გამოწვეულ ტკივილს. ის უმეტესწილად ეფუძნება ენტომოლოგ ჯასტინ ორვენ შმიდტის კვლევებს.[1] შმიდტმა ამ საკითხთან დაკავშირებით რამდენიმე კვლევა გამოაქვეყნა და ირწმუნება, რომ 150 სხვადასხვა ნესტარი საკუთარ თავზე გამოსცადა.[2][3][4]
ტკივილის შკალა[რედაქტირება | წყაროს რედაქტირება]
| რეიტინგი | შმიდტის აღწერა | სახეობა |
|---|---|---|
| 1.0 | მსუბუქი, ხანმოკლე, თითქმის უმტკივნეულო ნაკბენი. პატარა გაელვება, რომელიც მხარზე ერთ ბეწვს შეგიტრუსავთ. | ჰალიქტიდები |
| 1.2 | ბასრი, მსუბუქად ამაღელვებელი. თითქოს ხალიჩაზე მისეირნობთ და უეცრად ელექტროსტატიკური განმუხტვა მოხდა. | ცეცხლოვანი ჭიანჭველები |
| 1.8 | ტკივილის იშვიათი და მწვავე ფორმა. თითქოს ლოყაზე სტეპლერით მოგიჭირეს. | აკაციის ჭიანჭველები |
| 2.0 | ძლიერი და ბასრი, მიაგავს მოძრავ კარებში ხელის მოყოლას, თითქოს უილიამ კლოდ ფილდსი სიგარას თქვენს ენაზე აქრობს ან ასანთით კანს იწვავთ. | თაფლის ფუტკარი Dolichovespula maculata |
| 3.0 | შეუბრალებელი და უმოწყალო. თითქოს ფრჩხილი ჩაგეზარდათ და ვიღაცა მას ბურღით თხრის, ან გაჭრილ თითზე სავსე სინჯარით მარილმჟავას ისხამთ. | Polistes dominula Pogonomyrmex barbatus |
| 4.0 | დამაბრმავებლად, შემაძრწუნებლად მტკივნეული. თითქოს ქაფიან აბაზანაში ყოფნისას ვიღაცამ წყალში თმის ფენი ჩააგდო. | Pepsis |
| 4.x | მძლავრი, ღონიერი ნაკბენი. თითქოს ალმოდებულ ნახშირზე დადიხართ და ქუსლში 7 სმ სიგრძის ჟანგიანი ლურსმნები გერჭობათ. | Paraponera clavata |