ტარტაროსი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
გამოსახულება ქოთანზე

ტარტაროსი ან ტარტაროზი (ბერძნ. Τάρταρος) — მიწის უღრმესი ნაწილი ჰესიოდეს მიხედვით. იგი ჰადესის უღრმესი ნაწილია და დედამიწის პირიდან ისევე დაშორებული, როგორც ცა. მას გარს აკრავს სამმაგი სიბნელე და რკინის კედელი (ზოგი ვარიანტით, სამმაგი სპილენძის კედელი). ტარტაროსს აქვს პოსეიდონის მიერ გაკეთებული სპილენძის კარები. ტარტაროსის ირგვლივ გამუდმებით ბობოქრობს ქარი. ტარტაროსში პირველად ჩაყარეს კრონოსი და დამარცხებული ტიტანები. მათ სახელოვანი გოლიათებიჰეკატონხეირები დარაჯობენ. ტარტაროსი ზოგჯერ ჰადესთანაცაა გაიგივებული. ქრისტიანულ რელიგიურ წარმოდგენაში ტარტაროსს ცვლის ჯოჯოხეთი, ჰადესს კი საიქიო. საიქიოში ყველა მიდის, ჯოჯოხეთში კი დიდი დამნაშავეები ხვდებიან. ტარტაროზი ხშირად ბოროტ არსებადაა მიჩნეული, იგი ეშმაკების მეთაური და წინამძღოლია. [1]


სქოლიო[რედაქტირება | წყაროს რედაქტირება]

  1. ნოდარ გაფრინდაშვილი. მითოლოგიური ლექსიკონი. გვ. 284 - თბილისი, „განათლება“, 1972.


Commons-logo.svg
ვიკისაწყობში არის გვერდი თემაზე: