სისტემური პროგრამული უზრუნველყოფა

მასალა ვიკიპედიიდან — თავისუფალი ენციკლოპედია
Jump to navigation Jump to search

სისტემური პროგრამული უზრუნველყოფა — კომპიუტერის პროგრამული უზრუნველყოფა, რომელიც სხვა პროგრამული უზრუნველყოფებისთვის მომსახურებების მისაწოდებლადაა გამიზნული.[1] სისტემური პროგრამული უზრუნველყოფის მაგალითებია ოპერაციული სისტემები, გამოთვლითი მეცნიერების პროგრამული უზრუნველყოფა, თამაშის ძრავები, სამრეწველო ავტომატიზაცია და „პროგრამული უზრუნველყოფა, როგორც მომსახურება“ გამოყენებითი პროგრამები.[2]

სისტემური პროგრამული უზრუნველყოფისგან გასხვავებით, პროგრამული უზრუნველყოფა, რომელიც მომხმარებელს ტექსტური დოკუმენტების შექმნის, თამაშის, მუსიკის მოსმენის და ვებ-ბრაუზერით ინტერნეტის დათვალიერების საშუალებას აძლევს, ეწოდება გამოყენებითი პროგრამული უზრუნველყოფა.[3]

ოპერაციული სისტემები[რედაქტირება | წყაროს რედაქტირება]

ოპერაციული სისტემა (ცნობილი მაგალითები: Microsoft Windows, Mac OS X and Linux), ისეთი დავალებების შესრულებით, როგორიცაა მეხსიერებასა და დისკებს შორის მონაცემების გადაცემა და დისპლეიზე გამომავალი მონაცემების გადმოცემა კომპიუტერის ნაწილებს ერთად მუშაობის საშულებას აძლევს. ის უზრუნველყოფს პლატფორმას (აპარატურული უზრუნველყოფის აბსტრაქციის ფენას) მაღალი დონის პროგრამული უზრუნველყოფებისა და გამოყენებითი პროგრამებისთვის.

ოპერაციული სისტემის მთავარი შემადგენელი ნაწილი ბირთვია. ის გამოყენებითი პროგრამებისთვის (მათ შორის ზოგიერთი სისტემური პროგრამული უზრუნველყოფისთვის) გამოყენებითი პროგრამირების ინტერფეისს და მოწყობილობის დრაივერების ინტერფეისს განსაზღვრავს.

მოწყობილობის დრაივერები, მათ შორის კომპიუტერის BIOS და ფიქსირებული პროგრამული უზრუნველყოფა კომპიუტერთან დაკავშირებული ან მასში ჩადგმული აპარატურის არსებითი ფუნქციურობის საშუალებას იძლევიან.

სამომხმარებლო ინტერფეისი „მომხმარებლებს კომპიუტერთან ურთიერთმოქმედების საშუალებას აძლევს“. ეს ხდება ბრძანებების სტრიქონის ინტერფეისის (CLI) ან, 80-იანი წლების შემდეგ მომხმარებლის გრაფიკული ინტერფეისის გამოყენებით (GUI). ვინაიდანაც ეს ოპერაციული სისტემის ის ნაწილია, რომელთანაც მომხმარებელი პირდაპირ ურთიერთმოქმედებს, ის შეიძლება სისტემური პროგრამული უზრუნველყოფის ნაცვლად გამოყენებით პროგრამად ჩაითვალოს.

სქოლიო[რედაქტირება | წყაროს რედაქტირება]

  1. What is software? - Definition from WhatIs.com. Searchsoa.techtarget.com. წაკითხვის თარიღი: 2012-06-24.
  2. Panel: Systems Programming in 2014 and Beyond. Microsoft. წაკითხვის თარიღი: 4 December 2015.
  3. W. W. Milner, Ann Montgomery-Smith (2000).