სელუსის ეროვნული პარკი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სელუსის ეროვნული პარკი*
იუნესკოს მსოფლიო
მემკვიდრეობის ძეგლი

ElefantenAmRufiji.jpg
ქვეყანა ტანზანიის დროშა ტანზანია
ტიპი ბუნებრივი
კრიტერიუმები ix, x
სია იუნესკოს სია
რეგიონი** აფრიკა
კოორდინატები 9°00′00″ ს. გ. 37°24′00″ ა. გ. / 9.00000° ს. გ. 37.40000° ა. გ. / -9.00000; 37.40000
გაწევრიანების ისტორია
გაწევრიანება 1982  (მე-6 სესია)
ნომერი 199
საფრთხის ქვეშ 2014 -
* იხ. ინგლ. სახელი UNESCO-ს სიაში.
** იუნესკოს მიერ კლასიფიცირებული რეგიონი.
იუნესკოს დროშა მსოფლიო მემკვიდრეობა UNESCO, ობიექტი № 199
რუს.ინგლ.ფრ.

სელუსის ეროვნული პარკი ან სელუსის სპორტული ნადირობის ნაკრძალი — მსოფლიოში ერთ-ერთი უდიდესი ფაუნის ნაკრძალი, მდებარეობს სამხრეთ ტანზანიაში. სახელი ეწოდა ცნობილი მონადირისა და წარსულში კონსერვაციონისტის, ინგლისელი სერ ფრედერიკ სელუსის პატივსაცემად, რომელიც ამ ტერიტორიაზე 1917 წელს, პირველი მსოფლიო ომის მიმდინარეობისას გერმანელთა წინააღმდეგ ბრძოლაში დაიღუპა. უფრო ადრე, 1879 წელს ამავე ტერიტორიაზე გარდაიცვალა შოტლანდიელი მკვლევარი და კარტოგრაფი ქეით ჯონსტონი, როდესაც ის ჯოზეფ ტომსონთან ერთად აფრიკის დიდი ტბების ექსპედიციას ხელმძღვანელობდა. 1982 წელს იუნესკომ პარკი მსოფლიო მემკვიდრეობის ძეგლთა სიაში შეიტანა მისი ველური ბუნების მრავალფეროვნებისა და ხელუხლებელი ბუნების გამო.

ნაკრძალის მთლიანი ფართობი 54 600 კმ²-ია, ასევე გააჩნია დამატებითი ბუფერული ზონები. ნაკრძალის ტერიტორიაზე ნებადართულია ადამიანთა არამუდმივი დასახლება. ყველა შესასვლელი და გასასვლელი მკაცრად კონტროლდება ტანზანიის ბუნებრივი რესურსებისა და ტურიზმის სამინისტროს დაქვემდებარებაში მყოფი ველური ბუნების დანაყოფის მიერ. პარკიში შესაძლებელია სავანისათვის დამახასიათებელი ცხოველების ისეთი დიდი რაოდენობის ხილვა, რაც არაა აფრიკის არცერთ სხვა სპორტული ნადირობის ნაკრძალსა თუ ეროვნულ პარკში.

არეალი თავდაპირველად დაცულ ტერიტორიად 1896 წელს გერმანელმა გუბერნატორმა ჰერმან ფონ ვისმანმა გამოაცხადა, 1905 წელს კი ის სპორტული სანადირო ნაკრძალი გახდა. პარკის ჩრდილოეთი ნაწილი, მდინარე რუფიჯის გასწვრივ, გამოცხადებულია ფოტოგრაფიის ზონად და საკმაოდ პოპულარულია ტურისტებში. მდინარისა და ტბათა სისტემის გასწვრივ განლაგებულია ბანაკები.

პარკში ნებადართულია ფეხით სასიარულო საფარი. პოპულარული საქმიანობაა სანაოსნო ექსკურსიები მდინარე რუფიჯიზე.

იხილეთ აგრეთვე[რედაქტირება]

რესურსები ინტერნეტში[რედაქტირება]