სალარ-დე-არისარო

სალარ-დე-არისარო
	; სალარ-დე-არისარო და კონუსი კონო-დე-არიტა
	კოორდინატები: 24°43′22″ ს. გ. 67°44′16″ დ. გ. / 24.723000° ს. გ. 67.738000° დ. გ.
ქვეყანა	არგენტინა
ტერიტორიული ერთეული	სალტის პროვინცია
სიმაღლე	3460 მ
ფართობი	1600 კმ²
სიგრძე	100 კმ
სიგანე	50 კმ

სალარ-დე-არისარო (ესპ. Salar de Arizaro) — მარილიანი ქვაბული ჩრდილო-დასავლეთ არგენტინაში, სალტის პროვინციაში. მდებარეობს ანდებში, პუნა-დე-ატაკამის ცენტრალურ-დასავლეთ ნაწილში, ზღვის დონიდან 3460 მ სიმაღლეზე. მაქსიმალური სიგრძე 100 კმ, სიგანე 50 კმ, ფართობი 1600 კმ².^[1] სალარ-დე-არისარო ფართობით მარილიან ქვაბულებს შორის მსოფლიოში რიგით მე-6 ადგილზეა^[2]. სამხრეთ განაპირა ნაწილში აღმართულია იდეალური ფორმის მქონე კონუსი კონო-დე-არიტა (147 მ). სალარ-დე-არისაროს ფარგლებში მოიპოვება მადნეული და არამადნეული წიაღისეული, მათ შორის მარილი, მარმარილო, რკინა, სპილენძი და ონიქსი.^[3] სიახლოვეს მდებარეობს სხვა მარილიანი ქვაბულები: სალარ-დე-ანტოფალია, სალარ-დე-ომბრე-მუერტო, პოტიკოსი და სალინას-გრანდესი. მარილიან ქვაბულს შუა ნაწილში კვეთს სალტა–ანტოფაგასტის რკინიგზა.^[4]