პორტუგალიის საგრაფო

პორტუგალიის საგრაფო – სახელწოდება, რომელიც ორი ფეოდალური პერიოდის აღსანიშნავად გამოიყენება, რომელიც არსებობდა 868-1139 წწ. შორის პერიოდში თანამედროვე პორტუგალიის ტერიტორიაზე.

პორტუგალიის პირველი საგრაფო (პორტ. Condado de Portucale) – ფეოდალური გაერთიანება, რომელიც დააარსა ვიმარა პერეშმა რეკონკისტის დაწყების შემდეგ პირენეს ნახევარკუნძულის ნაწილზე 868 წელს. ნუნუ მენდეშის გარდაცვალების შემდეგ 1071 წელს, პორტუგალიის საგრაფო შეუერთდა გალისიის სამეფოს.

პორტუგალიის მეორე საგრაფო (პორტ. Condado Portucalense) - ფეოდალური გაერთიანება, რომელიც დაარსდა 1093 წელს ალფონსო VI კასტილიელის მიერ, რომელმაც აღნიშნული ტერიტორია აჩუქა თავის სიძეს რეკონკისტის აქტიურ მონაწილეს, ენრიკე ბურგუნდიელს^[1]. მეორე საგრაფოს ტერიტორია მნიშვნელოვნად აღემატებოდა პირველი საგრაფოს ტერიტორიას.

1139 წელს პორტუგალიის საგრაფომ მიიღო დამოუკიდებლობა. დამოუკიდებელი პორტუგალიის პირველი მეფე გახდა ენრიკე ბურგუნდიელის შვილი აფონსუ I დიდი.

პორტუგალიის გრაფების სია

პორტუგალიის გრაფები: ვიმარა პერეშის დინასტია

#	სახელი	-დან	-მდე	შენიშვნა
1	ვიმარა პერეში	868	873
2	ლუსიდიუ ვიმარანეში	873	895	ვიმარა პერეშის შვილი
3	ონეგა ლუსიდეში (დიოგუსთან ერთად)	895	924	ლუსიდიუ ვიმარანეშის შვილი. მართავდა მეუღლესთან, დიოგო ფერნანდეშთან, ერთად
4	მუმადონა დიაში (მენდუ I-თან ერთად)	924	950	ონეგა ლუსიდეშის და დიოგო ფერნანდეშის შვილი. მართავდა მეუღლესთან, მენდუ I-თან ერთად.
5	გონსალო I მენდესი	950	997	მუმადონა დიაშის და მენდუ I-ის შვილი.
6	მენდუ II	997	1008	გონსალო I მენდესის შვილი (ან შვილიშვილი?).
7	ალვიტო ნუნეში	1008	1015
8	ილდუარა მენდეში (ნუნუ I-თან ერთად)	1015	1028	მენდუ II შვილი. მართავდა მეუღლესთან, ალვიტო ნუნეშის შვილთან ნუნუ I ერთად.
9	მენდუ III	1028	1050
10	ნუნუ II	1050	1065	ვიმარა პერეშის დინასტის უკანასკნელი გრაფი;

პორტუგალიის გრაფები: ბურგუნდიელთა დინასტია

#	სახელი	– დან	– მდე	შენიშვნა
1	ენრიკე ბურგუნდიელი	1096	1112	აფონსუ I-ის მამა.
2	ტერეზა ლეონელი	1112	1128	საკუთარი შვილის რეგენტი (1112 - 1128).
3	აფონსუ I	1128	27 ივლისი, 1139	1139—1185 წწ. პორტუგალიის პირველი მეფე