პოლ ენტონი პირსი (ინგლ.Paul Anthony Pierce დ. 13 ოქტომბერი, 1977) — ამერიკელი პროფეიონალი კალათბურთელი ფორვარდი, რომელიც მთელ კარიერას ბოსტონ სელტიქსის რიგებში ატარებს ნაციონალურ საკალათბურთო ასოციაციაში. პირსი 1998 წლის NBA-ის დრაფტზე პირველი რაუნდში მე-10 ნომრად იქნა არჩეული სელტიქსის მიერ. ბოსტონთან ერთად შეძლო 2008 წელს NBA-ის ჩემპიონის ტიტულის მოგება, სადაც ფინალის MVP-ით დაჯილდოვდა კიდეც. პირსი არის იმ სამი მოთამაშიდან ერთ-ერთი, ლარი ბირდთან და ჯონ ჰევლიჩეკთან ერთად, რომელმაც გუნდის ისტორიაში 20 000 ქულას გადააბიჯა. ის ასევე ინარჩუნებს გუნდის ისტორიაში ყველაზე მეტი 3 ქულიანის ჩაგდებულის რეკორდს. ბოსტონის ისტორიაში მას ჩატარებული მატჩებით მე-3 ადგილი უკავია, ქულებით მე-2, მე-7 ტოტალური მოხსნებით, მე-5 ტოტალური ასისტენტით და მე-2 მოპარვებით. მისი ზედმეტსახელია „სიმართლე“ ("The Truth"), რომელიც 2001 წლის 15 მარტს მას შაკილ ო'ნილისგან ეწოდა.
