პელამიდა (ლათ.Pelamis platurus) — ქვეწარმავალი ზღვისგველისებრთა ოჯახისა. მისი სხეულის სიგრძე 1 მ აღწევს. ზედა მხარე მუქია, ქვედა — ბაცი; კუდზე დიდი შავი ლაქები აქვს. სხეული და კუდი გვერდებიდან შებრტყელებულია. პელამიდა ფართოდაა გავრცელებული ტროპიკულ სარტყელში — აფრიკის აღმოსავლეთ სანაპიროებიდან ამერიკის დასავლეთ სანაპიროებამდე. ბინადრობს ნაპირებთან და ღია ზღვაშიც. იკვებება თევზით, რომელსაც კლავს ძლიერ ტოქსიკური შხამით. ზოგიერთ კუნძულზე პელამიდას საკვებად იყენებენ.