ნამკოდრის ქედი

ნამკოდრის ქედი
კოორდინატები: 43°04′09″ ჩ. გ. 42°54′18″ ა. გ.
ქვეყანა	საქართველო
ტერიტორიული ერთეული	მესტიის მუნიციპალიტეტი
სიმაღლე	3911 მ
ამგებელი ქანები	ფიქალი, ქვიშაქვა

ნამკოდრის ქედი, ნაშკოდრის ქედი – ქედი საქართველოში, სამეგრელო-ზემო სვანეთის მხარის მესტიის მუნიციპალიტეტში. წარმოადგენს სვანეთის კავკასიონის მთავარი ქედის განშტოებას, მდინარეების ტვიბერისა და წანერის აუზების წყალგამყოფს. იწყება ტიხტენგენის მწვერვალთან და მთავრდება მდინარეების ტვიბერისა და წანერის შესაყართან. ქედის უმაღლესი ადგილის სიმაღლე ზღვის დონიდან 3911 მ. აგებულია კამბრიულისწინა და ქვედაპალეოზოური ასაკის კრისტალური ფიქლებით, იურული ქვიშაქვებითა და ფიქლებით. ქედის კალთებზე ჩამოყალიბებულია შერეული ტყეების, სუბალპური, ალპური, სუბნივალური და ნივალური სიმაღლებრივი ლანდშაფტური ზონები.

ლიტერატურა

• მარგველანი გ., ქართული საბჭოთა ენციკლოპედია, ტ. 7, თბ., 1984. — გვ. 310.