მხედრიონი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
მხედრიონის დროშა

მხედრიონი — სამხედრო ორგანიზაცია, რომელიც დაფუძნდა 1989 წელს ჯაბა იოსელიანის მიერ. მხედრიონი იყო 1991 წელს ზვიად გამსახურდიას წინააღმდეგ მოწყობილი პუტჩის ორგანიზატორი.

ორგანიზაცია თავდაპირველად პატრიოტული მიზნებით შეიქმნა და დეკლარირებულად დემოკრატიულ მიზნებს ემსახურებოდა. „მხედრიონი“ აქტიურად მონაწილეობდა 1991-1992 წლების მიჯნაზე ზვიად გამსახურდიას წინააღმდეგ მოწყობილ სამხედრო გადატრიალებაში. 1992-1993 წლებში ორგანიზაცია მონაწილეობდა ყოფილი ხელისუფლების მომხრეთა საპროტესტო მოძრაობის ჩახშობასა და აფხაზეთის ომში. 1992 წლის მაისში საქართველოში ოფიციალური ვიზიტის დროს „მხედრიონის“ საპატიო წევრი გახდა აშშ-ის სახელმწიფო მდივანი ჯეიმზ ბეიკერი.

1995 წელს მისი საქმიანობა აიკრძალა. 2001 წელს „მხედრიონს“ („პატრიოტთა კავშირი“) უარი ეთქვა პოლიტიკურ პარტიად რეგისტრაციაზე.

ლიტერატურა[რედაქტირება | წყაროს რედაქტირება]

  • დემოკრატია და მოქალაქეობა, რედ. ზვიად მიმინოშვილი; გვ. 70-71 — თბილისი, 2011; ISBN 978-9941-0-3667-5