მუტე ეგედე
| მუტე ეგედე | |
|---|---|
_(cropped).jpg) | |
| დაბადების თარიღი | 11 მარტი, 1987 (37 წლის) |
| დაბადების ადგილი | ნუუკი |
| მოქალაქეობა | დანიის სამეფო |
მუტე ეგედე (დ. 11 მარტი, 1987)[1] — გრენლანდიელი პოლიტიკოსი, რომელიც 2021 წლის აპრილიდან გრენლანდიის მეშვიდე პრემიერ-მინისტრის თანამდებობას იკავებს.[2] 2015 წლიდან არის ინაცისარტუტის წევრი, ხოლო 2018 წლიდან ხალხის გაერთიანების პარტიის თავმჯდომარე.[3][4] იგი გამოდის გრენლანდიის დანიიდან დამოუკიდებლობის წინადადებით[5] და მონაწილეობდა დამოუკიდებელი გრენლანდიის კონსტიტუციაზე მუშაობის პროცესში.
ბიოგრაფია
[რედაქტირება | წყაროს რედაქტირება]ეგედე დაიბადა ნუუკში, თუმცა გაიზარდა სამხრეთ გრენლანდიის ქალაქ ნარსაკში. მან დაასრულა ქაქორტოქის გიმნაზია, შემდეგ 2007 წლიდან სწავლობდა გრენლანდიის უნივერსიტეტში კულტურისა და სოციალური ისტორიის ფაკულტეტზე. 2011-2012 წლებში იყო გრენლანდიის აკადემიური სტუდენტური საზოგადოების „კისაქის“ ვიცე-თავმჯდომარე.[1] მან ვერ დაასრულა სწავლა, რადგან 2013 წელს უნივერსიტეტი მიატოვა, რათა მამამისის მიერ მართული საოჯახო საკვების კომპანიის მართვა გადაებარებინა.[6][4]
2007 წელს ეგედე იყო გრენლანდიის ახალგაზრდული პარლამენტის „ინუუსუთუთ ინაცისარტუის“ წევრი,[4] ხოლო 2013 წლიდან 2015 წლამდე იყო „ინუუსუთუთ ატაქატიგიიტის“ ხალხის გაერთიანების პარტიის ახალგაზრდული ფრთის თავმჯდომარე.[1][4]
2015 წლის დანიის საყოველთაო არჩევნებში ეგედე იყო ხალხის გაერთიანების პარტიის კანდიდატი ფოლკეტინგში.[7] მან მიიღო 2 131 ხმა, რაც საკმარისი არ აღმოჩნდა პარლამენტში ადგილის მოსაპოვებლად.[8]
2016 წლიდან 2018 წლამდე ეგედე მუშაობდა ნედლეულისა და შრომის ბაზრის მინისტრად, სადაც პარალელურად 2017 წელს სამი თვის განმავლობაში, ასრულებდა კომუნების, დასახლებების, გარე რაიონების, ინფრასტრუქტურისა და საბინაო მეურნეობის მინისტრის მოვალეობას.[4]
2018 წლის 1 დეკემბერს აირჩიეს პარტიის თავმჯდომარედ, სადაც მან სარა ოლსვიგი ჩაანაცვლა.[4] მან პარტიას 2021 წლის გრენლანდიის საყოველთაო არჩევნებზე გაამარჯვებინა, სადაც პარტიამ ხმების 36,6 %-ით პარლამენტში უმსხვილესი პარტიის სტატუსი მოიპოვა.[6] 3 380 ხმით ეგედე იყო კანდიდატი, რომელმაც არჩევნებში ყველაზე მეტი ხმა მიიღო, დაახლოებით 1 500-ით მეტი, ვიდრე მოქმედმა პრემიერ-მინისტრმა, სიუმუტის პარტიის წარმომადგენელმა კიმ კილსენმა.[9] 16 აპრილს გამოცხადდა, რომ პარტიამ კოალიცია შექმნა ნალერაქთან ერთად 10-წევრიანი მთავრობით. ატასუტმა, რომელსაც ორი ადგილი აქვს, განაცხადა, რომ მიუხედავად იმისა, რომ არ შევიდოდა დამოუკიდებლობის მომხრე კოალიციაში, მხარს დაუჭერდა კოალიციას.[10] ეგედე არის გრენლანდიის ისტორიაში ყველაზე ახალგაზრდა პრემიერ-მინისტრი.[11] იგი პარლამენტმა პრემიერ-მინისტრად დაამტკიცა 23 აპრილს.[2]
მან ახალი მთავრობა ჩამოაყალიბა 2022 წლის აპრილში.[12]
იდეოლოგია
[რედაქტირება | წყაროს რედაქტირება]ეგედე არის ხალხის გაერთიანების პარტიის თავმჯდომარე, რომელიც გრენლანდიის დემოკრატიულ-სოციალისტური პოლიტიკური პარტიაა.[13] პარტიის მსგავსად, ეგედეც გრენლანდიის დამოუკიდებლობის მხარდამჭერია.[4]
პირადი ცხოვრება
[რედაქტირება | წყაროს რედაქტირება]ეგედეს ჰყავს ორი შვილი თავის ყოფილ პარტნიორთან.[1]
სქოლიო
[რედაქტირება | წყაროს რედაქტირება]- ↑ 1.0 1.1 1.2 1.3 CV – Múte B. Egede da. Inatsisartut. ციტირების თარიღი: July 17, 2020
- ↑ 2.0 2.1 Hyldal, Christine. (April 23, 2021) Múte Egede er ny formand for Naalakkersuisut da. Kalaallit Nunaata Radioa. ციტირების თარიღი: April 23, 2021
- ↑ Grønlandske IA vælger ny formand da. Altinget (December 3, 2018). ციტირების თარიღი: July 17, 2020
- ↑ 4.0 4.1 4.2 4.3 4.4 4.5 4.6 Veirum, Thomas Munk. (December 1, 2018) Múte B. Egede er ny IA-formand da. Kalaallit Nunaata Radioa.
- ↑ გრენლანდიის პრემიერ-მინისტრი დანიისგან დამოუკიდებლობას ითხოვს ka. ghn.ge (იანვარი 4, 2025).
- ↑ 6.0 6.1 Ildor, Astrid. (April 7, 2021) En alvorlig, ung mand står til at blive Grønlands yngste regeringsleder da. DR. ციტირების თარიღი: April 8, 2021
- ↑ Dam, Camilla. (May 27, 2015) Múte B. Egede stiller op til Folketingsvalget da. Kalaallit Nunaata Radioa. ციტირების თარიღი: July 17, 2020
- ↑ Resultater for valg.gl – Valg.gl da. valg.gl. ციტირების თარიღი: July 17, 2020
- ↑ Synnestvedt, Anne Meisner. (April 8, 2021) Muté B. Egede er den største stemmesluger, og Kielsen halser efter da. Kalaallit Nunaata Radioa. ციტირების თარიღი: April 8, 2021
- ↑ Greenland's left-wing IA party forms new government, vows to block rare-earth mine (2021-04-16). ციტირების თარიღი: 2021-04-18
- ↑ Her er Mútes Naalakkersuisut da.
- ↑ Nyt Naalakkersuisut: Siumut får fiskeri og udenrigsanliggender da. ციტირების თარიღი: 2022-08-10
- ↑ Left-wing party which opposes major mining project wins Greenland general election (7 April 2021).