მუსიკალური თეატრი (ბათუმი)

მასალა ვიკიპედიიდან — თავისუფალი ენციკლოპედია
Jump to navigation Jump to search

ახალგაზრდული მუსიკალური თეატრი ბათუმის სახელმწიფო მუსიკალური ცენტრის შემადგენელი ნაწილია და მასთან ერთად დაარსდა. მისი მესვეურები იმთავითვე ცდილობდნენ თეატრი ჟანრობრივი მრავალფეროვნების გზით წაეყვანათ. მართლაც თეატრის რეპერტუარში ნახავთ კლასიკურ საოპერო მუსიკასაც, თანამედროვე მიუზიკლებსაც, როკ-ოპერას, პოპულარულ თუ როკ-მუსიკის საუკეთესო ნიმუშებსაც.

თეატრის შემოქმედებითი ჯგუფი[რედაქტირება | წყაროს რედაქტირება]

თეატრის სამხატვრო ხელმძღვანელი თენგიზ შამილაძე, კომპოზიტორი მინდია ხითარიშვილი, მთავარი ქორმაისტერი და ვოკალის პედაგოგი მანანა ჩაუშბა
როკ-ოპერა „თავფარავნელის ბალადა“ აფიშა

მთავარი ქორმაისტერი და ვოკალის პედაგოგი — მანანა ჩაუშბა

გაორკესტრებისა და არანჟირების სპეციალისტი, კომპოზიტორი — მინდია ხითარიშვილი

ქორმაისტერი — ჟუჟუნა კილაძე

პედაგოგ-ორგანიზატორი და პლასტიკის პედაგოგი — გოჩა არობელიძე

კონცერტმაისტერი — ევგენია ღოღელიანი

თეატრის სამხატვრო ხელმძღვანელი — თენგიზ შამილაძე

სოლისტები და დასი[რედაქტირება | წყაროს რედაქტირება]

მწერალ და დრამატურგ თამაზ ჭილაძესთან ერთად
ნანოს და მოახლეების სცენა როკ-ოპერიდან „თავფარავნელის ბალადა“ (2010)

თეა გელოვანი, რამაზ ვარშანიძე, მარიამ ძნელაძე, ირაკლი გოგიტიძე, მამუკა ჩაუშბა, პაატა ფაცია, პაატა აბესლამიძე, მარიამ ხითარიშვილი, მარიანა ჩაუშბა, ნატო ფრუიძე, გივი გიგინეიშვილი, თეონა ჩიტაიშვილი, ნინო ხალვაში, თაკო ბარათაშვილი, ნინო კონცელიძე, პაატა მოისწრაფიშვილი, ირაკლი გვარჯალაძე, გიორგი ნაკაშიძე, ომარ სურმანიძე.

შემოქმედებითი ისტორია[რედაქტირება | წყაროს რედაქტირება]

თეატრში არაერთი თეატრალიზებული შოუ,კონცერტი თუ სპექტაკლი დაიდგა.მაყურებელს ახსოვს თეატრალიზებული შოუ-კონცერტი „ჩემი გზა“ (2005), რომლის პროგრამა მოიცავდა როგორც ნეაპოლურ სიმღერებსა და რომანსებს, ისე პოპ და როკ-მუსიკის ნიმუშებს.

მუსიკალურმა თეატრმა ერთ-ერთ თეატრალიზებულ შოუ-კონცერტში სანახაობრივად და ვოკკალურად შესანიშნავი ფრაგმენტები წარმოადგინა რიშარ კოჩიანტის მიუზიკლიდან „პარიზის ღვთისმშობლის ტაძარი“ (2006) მაყურებელმა ეს წარმოდგენა ძალიან კარგად მიიღო. თეატრმა იგი დედაქალაქის მაყურებელსაც წარმოუდგინა კოტე მარჯანიშვილის თეატრის სცენაზე საფრანგეთის ეროვნული დღესასწაულის ,ბასტილიის დაცემის დღის (14 ივლისი) აღსანიშნავად. ამ თეატრალიზებულ კონცერტს საქართველოში საფრანგეთის საელჩოს წარმომადგენლებიც დაესწრნენ და წარმოდგენის ბოლოს დიდი მადლიერება გამოხატეს ახალგაზრდული მუსიკალური თეატრის მისამართით და მათი ხელოვნებისათვის,აღიარებული მიუზიკლის საინტერესოდ და პროფესიულად შესრულებისათვის.

თანამედროვე მიუზიკლს კლასიკური ოპერა — ვინჩენცო ბელინის „მონტეკები და კაპულეტები“ მოჰყვა. იგი რეჟისორმა გიორგი თავაძემ განახორციელა და კლასიკური მუსიკის მოყვარულთა მოწონება დაიმსახურა.

2010 წლის 22 და 23 დეკემბერს თეატრმა მაყურებელს თავის შემოქმედებით ისტორიაში ყველაზე მასშტაბური, სრულფასოვანი მუსიკალური სპექტაკლი — როკ-ოპერა „თავფარავნელის ბალადა“ შესთავაზა, რომელიც ქართველმა კომპოზიტორმა მინდია ხითარიშვილმა დაწერა. როკ-ოპერის ლიბრეტო თამაზ ჭილაძის პიესის მიხედვით პოეტ ირმა გურიელს ეკუთვნის. დამდგმელი რეჟისორი გიორგი (გოგა) თავაძე. სცენოგრაფია გოგლა გოგიბერიძის და ლუკა ბესელიას. როკ-ოპერა მაყურებელმა დიდი აღფრთოვანებით მიიღო.

სოლისტები რამაზ ვარშანიძე (თავფარავნელი) თეა გელოვანი (ნანო)

რესურსები ინტერნეტში[რედაქტირება | წყაროს რედაქტირება]

http://www.moecs.ge/index.php?menuid=127&lang=1 http://24saati.ge/index.php/category/culture/2010-12-08/12220.html http://news.gtu.ge/index.php?newsid=839 http://www.presage.tv/?m=art&AID=2518 http://www.tourismadjara.ge/new/index.php?a=main&pid=454&lang=geo http://ka.wikipedia.org/wiki/თავფარავნელის_ბალადა