მიტროფანე გრეკოვის სახლ-მუზეუმი
| მიტროფანე გრეკოვის სახლ-მუზეუმი | |
|---|---|
 | |
| 47°25′23″ ჩ. გ. 40°06′09″ ა. გ. / 47.42306° ჩ. გ. 40.10250° ა. გ. | |
| დაარსდა | 1957 |
| ქვეყანა |
 რუსეთი |
| მდებარეობა | ნოვოჩერკასკი |
| სტატუსი |
 რუსეთის კულტურული მემკვიდრეობის ძეგლი |
| დირექტორი | სვეტლანა სედინკო |
 | |
მიტროფანე გრეკოვის სახლ-მუზეუმი (რუს. Дом-музей М. Б. Грекова) — სახლ-მუზეუმი ნოვოჩერკასკში, როსტოვის ოლქი, რუსეთის ფედერაცია. სახლში 14 წელი ცხოვრობდა საბჭოთა მხატვარი მიტროფანე გრეკოვი. სახლ-მუზეუმი არის ნოვოჩერკასკის დონის კაზაკთა ისტორიის მუზეუმის ფილიალი. შენობა არის რუსეთის ფედერაციის ფედერალური მნიშვნელობის კულტურული მემკვიდრეობის ძეგლი[1].
მუზეუმის მისამართი: რუსეთი, როსტოვის ოლქი, ნოვოჩერკასკი, გრეკოვის ქუჩა № 124.
ისტორია[რედაქტირება | წყაროს რედაქტირება]
მიტროფანე გრეკოვის (1882-1934 წწ.) ცხოვრებისა და მოღვაწეობის დიდი ნაწილი წარიმართა ქალაქ ნოვოჩერკასკში. მხატვარი ქალაქში ცხოვრობდა 14 წლის განმავლობაში ამ პერიოდში მან შექმნა 92 ტილო, მათ შორის „ბუდიონის რაზმში“ (1923 წ.),„ტაჩანკა“ (1925 წ.), „კავალერიის შეტევა“ (1927 წ.), „ეგორლინკის ბრძოლა“ (1927-1928 წწ.), პირველი საბჭოთა დიორამა „როსტოვის აღება“. მხატვარი სახლში ცხოვრობდა 1918 წლის ივნისიდან 1931 წლამდე. ამ დროიდან ოთხი წელი და სამი თვე მსახურობდა საომარ ნაწილებში, დანარჩენი პერიოდი კი ხატავდა სურათებს. საბჭოტა მხატვარ-ბატალისტისათვის ნოვოჩერკასკში ცხოვრების პერიოდი იყო საკმაოდ ნაყოფიერი. ამ პერიოდში მან შექმნა 74 ცნობილი ნახატი.
მხატვარი მიტროფანე მარტიშჩენკო, რომელიც მუშაობდა ფსევდონიმით მ. გრეკოვი, დაიბადა 1882 წელს ხუტორ შარპაევკაში. ფერწერას სწავლობდა ოდესის სამხატვრო სასწავლებელში, პეტერბურგის სამხატვრო აკადემიაში. გახდა საბჭოთა ბატალისტიკისა და საბჭოთა პანორამული ხელოვნების დამაარსებელი. მისი მემორიალური სახლ-მუზეუმი გაიხსნა 1957 წელს მხატვრის გადაცვალებიდან 23 წლის შემდეგ. სახლში დაცულია ის ავეჯი და ნივთები რომელსაც იყენებდა მხატვარი[2]. მემორიალის შემადგენლობაში შედის სახლი, რომელშიც იგი ცხოვრობდა, ფლიგელი, მცირე ხეხილის ბაღი. სახლში დაცულია მისი ნახატები, ესკიზები, ეტიუდები, მხატვრის პირადი ნივთები.
მხატვრის სახელოსნოში დაცულია მისი მოლბერტი, სკამით, დივანი, მეტალის სავარძელი, კარადა. სახელოსნოს კედლებზე ჰკიდია მისი ნახატები[3]. სახლ-მუზეუმის ექსპოზიციაში ერთ-ერთი განყოფილება ეძღვნება მის ბატალისტურ ნახატებს[4].
მემორიალური სახლ-მუზეუმის ეზოში დგას მ. გრეკოვის ბიუსტი.
მუზეუმის პირველი დირექტორი იყო მხატვრის ძმისშვილი ელენა ტერენტის ასული გრეკოვა, რომელსაც დიდი წვლილი მიუძღვის სახლ-მუზეუმის ჩამოყალიბებაში.
რესურსები ინტერნეტში[რედაქტირება | წყაროს რედაქტირება]
- Музей Митрофана Борисовича Грекова в Новочеркасске
- Мемориальный дом-музей художника-баталиста М.Б. Грекова. დაარქივებული 2017-01-23 საიტზე Wayback Machine.
- Музей М. Б. Грекова
სქოლიო[რედაქტირება | წყაროს რედაქტირება]
- ↑ УСАДЬБА, В КОТОРОЙ ЖИЛ ХУДОЖНИК-БАТАЛИСТ М.Б.ГРЕКОВ[მკვდარი ბმული]
- ↑ Дом-музей М.Б. Грекова. Музеи России. ციტირების თარიღი: 2017-01-02.
- ↑ Музей Митрофана Борисовича Грекова в Новочеркасске. Novocherkassk.net. ციტირების თარიღი: 2017-01-02.
- ↑ Студия военных художников имени М.Б. Грекова