მანანა თოდაძე

მასალა ვიკიპედიიდან — თავისუფალი ენციკლოპედია
Jump to navigation Jump to search
მანანა თოდაძე
დაბ. თარიღი 20 თებერვალი, 1958 (1958-02-20) (62 წლის)
თბილისი, საქართველოს სსრ, სსრკ
ეროვნება ქართველი
მოქალაქეობა საბჭოთა კავშირის დროშა სსრკსაქართველოს დროშა საქართველო
საქმიანობა მომღერალი, მსახიობი
აქტიური 1973-დღემდე
ჯილდოები საქართველოს სსრ-ის დამსახურებული არტისტი

მანანა თოდაძე (დ. 20 თებერვალი, 1958, თბილისი) — ქართველი საესტრადო მომღერალი და მსახიობი,[1] ანსამბლ „ივერიას“ წევრი. საქართველოს სსრ-ის დამსახურებული არტისტი (1980), საკავშირო კონკურსის ლაურეატი (მოსკოვი, 1980), საერთაშორისო კონკურსის გამარჯვებული (გერმანია, 1983).

ბიოგრაფია[რედაქტირება | წყაროს რედაქტირება]

მანანა თოდაძე დაიბადა 1958 წლის 20 თებერვალს, ქ. თბილისში. 1973 წლიდან დაიწყო აქტიური მუსიკალური მოღვაწეობა. 1973-1977 წლებში მღეროდა სხვადასხვა ქართულ და აზერბაიჯანულ ანსაბლებში, რომელთაგან გამორჩეულია აზერბაიჯანის ანსაბლი „გაია“. 1977 წლიდან კი ის მღერის ლეგენდარულ ვოკალურ-ინსტრუმენტალურ ანსაბლ ვია „ივერიაში“.[2]

მანანა თოდაძესათვის წლების განმავლობასი შექმნილა მრავალი ცნობილი საესტრადო, პოპ და ჯაზური სტილის სიმღერები. მანანა თოდაძეს ანსაბლ ივერიასთან ერთად მსოფლიო მასშტაბით ჩატარებული აქვს რეკორდული რაოდენობის შოუპროგრამები, კონცერტები, დადგმები და მიუზიკლები. თოდაძე 35 წლის მანძილზე თანამშრომლობდა ცნობილ კომპოზიტორ ალექსანდრე ბასილაიასთან, რომელიც სპეციალურად მისთვის წერდა შემდგომში ცნობილ ქართულ და არა მარტო ქარტულ სიმღერებსა და არიებს.

მანანა თოდაძე წლების განმავლობაში ცხოვრობდა და მოღვაწეობდა რუსეთში. დღესდღეობით ის ცხოვრობს საქართველოში, მართავს სოლო-კონცერტებს და წერს ახალ სიმღერებს, ასევე ახალი ინტერპრეტაციით ასრულებს ძველ სიმღერებს.

2018 წლის 27 აპრილს ფილარმონიის დიდი საკონცერტო დარბაზის წინ გაიხსნა მანანა თოდაძის ვარსკვლავი, იქამდე კი თოდაძემ ფილარმონიაში გამართა სოლო-კონცერტი ანსაბლ „ივერიასთან“ ერთად.[3]

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. მანანა თოდაძე. Iverieli. ციტირების თარიღი: 15 მარტი, 2020.
  2. მანანა თოდაძის მოკლე ბიოგრაფია. Fortuna.Ge. ციტირების თარიღი: 15 მარტი, 2020.
  3. მანანა თოდაძის გრანდიოზული სოლო-კონცერტი. intermedia.ge (29 აპრილი, 2018). ციტირების თარიღი: 15 მარტი, 2020.