ლილი-როუზ დეპი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ლილი-როუზ დეპი
Lily-Rose Depp Cannes 2016.jpg
დაბადების თარიღი 27 მაისი, 1999 (1999-05-27) (22 წლის)
ო-დე-სენა, საფრანგეთი
მოქალაქეობა საფრანგეთი, აშშ
პროფესია მსახიობი, მოდელი
აქტიური 2014-დღემდე
მშობლები მამა: ჯონი დეპი
დედა: ვანესა პარადი

ლილი-როუზ მელოდი დეპი (ინგლ. Lily-Rose Melody Depp; დ. 27 მაისი, 1999[1], ო-დე-სენა, საფრანგეთი) — ფრანგი-ამერიკელი მსახიობი და მოდელი. ჯონი დეპისა და ვანესა პარადის ქალიშვილი[2]. ცნობილი გახდა 2016 წლის ფილმში „მოცეკვავე“ შესრულებული აისედორა დანკანი და 2019 წლის ფილმში „მეფე“ შესრულებული დედოფალ კატრინ დე ვალუას როლებით.

ადრეული ცხოვრება[რედაქტირება | წყაროს რედაქტირება]

ლილი-როუზ მელოდი დეპი დაიბადა 1999 წლის 27 მაისს ო-დე-სენას რეგიონში, საფრანგეთში, პარიზთან ახლოს[1]. იგი არის ამერიკელი მსახიობის, პროდიუსერისა და მუსიკოსის, ჯონი დეპისა და ფრანგი მსახიობის, მოდელისა და მომღერლის, ვანესა პარადის უფროსი ქალიშვილი[1]. მას ჰყავს ერთი უმცროსი ღვიძლი ძმა, ჯონ „ჯეკ“ კრისტოფერ დეპ III[3]. აღსანიშნავია, რომ ლილი-როუზს ცნობილი ფრანგი მსახიობი ალისონ პარადი დეიდად ერგება[4]. იგი ასევე არის კოლონიების თავისუფლებისათვის მებრძოლ ელიზაბეთ კი გრინსტედის (1630-1665) შთამომავალი[5].

2012 წელს, 14-წლიანი თანაცხოვრების შემდეგ, ლილი-როუზის მშობლები დაშორდნენ, რის შემდეგაც იგი მამასთან დარჩა, რომელთან ერთადაც იგი ხან ლოს-ანჯელესში, ხანაც პარიზში ცხოვრობდა[6].

კარიერა[რედაქტირება | წყაროს რედაქტირება]

ლილი-როუზ დეპი 2016 წელს

ლილი-როუზ დეპის სამსახიობო დებიუტი შედგა ფილმში „ეშვი“ შესრულებული კოლინ კოლეტის როლით, რომლის პრემიერაც 2014 წელს შედგა ტორონტოს საერთაშორისო კინოფესტივალზე[7]. 2015 წელს იგი გადაიღეს კლიპში სიმღერისთვის „მთელი მსოფლიოს გარშემო“, რეჯი სნოუს შესრულებით. ამავე წელს იგი გახდა Chanel-ის ბრენდის სახე[8].

უკვე 2016 წელს დეპს ფილმში „მოცეკვავე“ ამტკიცებენ მთავარ, აისედორა დანკანის როლზე, რომლის პრემიერაც იმავე წლის მაისში შედგა კანის კინოფესტივალზე[9]. ამ როლისათვის იგი ნომინირებული იყო ცეზარის 42-ე და ლუმიერის 22-ე დაჯილდოებაზე.

2016 წელსვე იგი დაამტკიცეს კეიტ ბარლოუს როლზე ფილმში „პლანეტარიუმი“. 2018 წელს კი ფილმში „ერთგული კაცი“ შეასრულა ევას მთავარი როლი. მისი პრემიერა იმავე წლის 9 სექტემბერს შედგა ნიუ-იორკის კინოფესტივალზე.

2019 წელს იგი ფილმში „მეფე“ შეასრულა ერთ-ერთი მთავარი, ფრანგი პრინცესისა და ინგლისის დედოფალ კატრინ დე ვალუას როლი[10]. ფილმში მასთან ერთად მონაწილეობდა მსახიობი ტიმოთი შალამე, რომელიც მისი ქმრის, მეფე ჰენრი V-ის როლშია. ფილმის პრემიერა 2019 წლის სექტემბერში შედგა ვენეციის კინოფესტივალზე.

პირადი ცხოვრება[რედაქტირება | წყაროს რედაქტირება]

დეპი მერილინ მენსონის ნათლულია[11]. მშობლების პოპულარობის გამო იგი დაბადებიდანვე ტაბლოიდებისა და მედიის რეპორტაჟების ყურადღების ცენტრშია. იგი ფლობს ინგლისურ და ფრანგულ ენებს[12], ისევე, როგორც საფრანგეთისა და ამერიკის შეერთებული შტატების მოქალაქეობას[13]. ლილი-როუზმა 2016 წელს მიატოვა სკოლა, რათა სამსახიობო კარიერაზე მოეხდინა კონცენტრირება[14]. წარსულში იგი ასევე ებრძოდა ანორექსიას, თუმცა გამოჯანმრთელება მოახერხა[15][16].

მიუხედავად იმისა, რომ ასაკის გამო ხმის მიცემის უფლება არ ჰქონია, 2016 წლის არჩევნებისას იგი დემოკრატიული პარტიის კანდიდატ ბერნი სანდერსს უჭერდა მხარს[17].

2018 წელს ფილმის „მეფე“ გადაღებისას მან ურთიერთობა დაიწყო ამავე ფილმის თანავარსკვლავ ტიმოთი შალამესთან[18]. ბრიტანული Vogue-ს ცნობებზე დაყრდნობით, წყვილი ერთმანეთს 2020 წლის დასაწყისში დაშორდა[19].

სქოლიო[რედაქტირება | წყაროს რედაქტირება]

  1. 1.0 1.1 1.2 Blitz, Michael (2008). Johnny Depp: A Biography. Greenwood Publishing Group. p. 71.
  2. Vogue Australia, Vogue (February 4, 2019). "Lily-Rose Depp Interview". Vogue Australia Youtube.
  3. "Baby boy for Depp and Paradis". BBC. April 18, 2002. Retrieved June 9, 2015.
  4. "Vanessa Paradis brings sister as date to movie premiere". Page Six. January 24, 2012. Retrieved June 9, 2015.
  5. "'Lone Ranger' stars have roots in historic figures". USA TODAY. Retrieved July 29, 2018.
  6. Peters, Sam (May 24, 2014). "Johnny Depp and me: Vanessa Paradis on acting, gigging and life after a break up". Independent. Retrieved June 10, 2015.
  7. Stedman, Alex (January 24, 2016). "Watch: First Clip of Kevin Smith's Yoga Hosers Introduces the Colleens". Variety. Penske Media Corporation. Retrieved January 19, 2017.
  8. Navarro, Andrea; Wu, Sarah (May 23, 2016). "Lily-Rose Depp Is Officially the Face of Chanel's Newest Fragrance". Teen Vogue. Condé Nast. Retrieved December 6, 2016.
  9. Weissberg, Jay (May 13, 2016). "Cannes Film Review: The Dancer". Variety. Penske Media Corporation. Retrieved December 13, 2016.
  10. Wiseman, Andreas (May 31, 2018). "Robert Pattinson, Lily-Rose Depp, Among Cast Joining Timothée Chalamet In Netflix Pic The King, Cameras Roll This Week". Deadline Hollywood. Retrieved May 31, 2018.
  11. Cooper, Leonie (September 22, 2017). "Marilyn Manson: The most famous Satanist in the world talks politics, family and collecting human skeletons". NME. Retrieved December 29, 2018.
  12. "Lily-Rose Depp: 'I never thought about getting into acting' ". Buro 24/7. NewsLifeMedia. Retrieved October 6, 2016.
  13. Trapenard, Augustin (November 6, 2019). "Who is the gorgeous Lily-Rose Depp really?". L'Officiel UK. Retrieved December 11, 2020.
  14. "Lily-Rose Depp: 'I never thought about getting into acting' ". Buro 24/7. NewsLifeMedia. Retrieved October 6, 2016.
  15. "Lily-Rose Depp : 'J'ai été anorexique plus jeune et ça a été dur d'en sortir.' ". Elle France (in French). October 27, 2016. Retrieved December 3, 2016.
  16. "Lily-Rose Depp admitted she suffered from anorexia". Frivolette. 2016. Retrieved May 17, 2019.
  17. Manning, Emily (August 13, 2015). "lily-rose depp gets behind bernie sanders". i-D. Vice Media. Retrieved December 6, 2016.
  18. Greenberg, Isabel (October 23, 2018). "Timothée Chalamet and Lily Rose Depp Basically Confirmed Their Relationship with One Big Kiss". Harper's Bazaar. Hearst.
  19. Brunker, Alicia (April 26, 2020). "Lily-Rose Depp and Timothée Chalamet Have Reportedly Split". InStyle. Meredith Beauty Group.