ლეტიცია ჯეიმსი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ლეტიცია ჯეიმსი
ინგლ. Letitia  James
ლეტიცია ჯეიმსი ინგლ. Letitia  James
ლეტიცია ჯეიმსი—2019 წელი
ნიუ-იორკის 67-ე გენერალური პროკურორი
ამჟამინდელი თანამდებობა
დაიკავა2019 წლის 1 იანვარი
წინამორბედიენდრიუ კუომო
მემკვიდრექეთლინ ჰოჩული

ნიუ-იორკის მე-4 საზოგადოებრივი ადვოკატი
თანამდებობაზე ყოფნის დრო
1 იანვარი 2014  – 31 დეკემბერი 2018
წინამორბედიბილ დე ბლეზიო
მემკვიდრეკორეი ჯონსონი (მოქმედი)

დაბადებული18 ოქტომბერი 1958 (63 წლის)
ბრუკლინი, ნიუ-იორკი, აშშ
მოქალაქეობააშშ-ის დროშა აშშ
პოლიტიკური პარტიადემოკრატიული პარტია (აშშ)
განათლებანიუ-იორკის სახელმწიფო უნივერსიტეტი
ჰოვარდის უნივერსიტეტი
საქმიანობაპოლიტიკოსი, იურისტი
აქტივისტი, საზოგადოებრივი ადვოკატი

ლეტიცია ა ჯეიმსი (ინგლ. Letitia A. "Tish" James, 18 ოქტომბერი, 1958, ნიუ-იორკი, აშშ) — ნიუ-იორკის მოქმედი გენერალური პროკურორი 2019 წლიდან, მეოთხე საჯარო ადვოკატი ნიუ-იორკში, პირველი აფროამერიკელი ქალი, რომელმაც თანამდებობა დაიკავა ნიუ-იორკის მთავრობაში. ამერიკელი იურისტი, აქტივისტი, პოლიტიკოსი და დემოკრატიული პარტიის წევრი. წარსულში მსახურობდა ნიუ-იორკის საქალაქო საბჭოში, სადაც წარმოადგენდა ბრუკლინის 35-ე ოლქს. ლეტიცია ჯეიმსი თავმჯდომარეობდა ეკონომიკური განვითარების კომიტეტს, მუშაობდა  პარკებისა და დასვენების, მცირე ბიზნესის, ტექნოლოგიების, ვეტერანთა საქმეთა და ქალთა საქმეთა კომიტეტებში.[1][2][3]

2013 წელს ჯეიმსმა იყარა კენჭი ნიუ-იორკის საზოგადოებრივი ადვოკატის თანამდებობაზე და მიიღო 36% დემოკრატიული პარტიის პრაიმერიში, რამაც მას არ მისცა საშუალება თავი აერიდებინა მეორე ტურისთვის, რომელშიც ჯეიმსმა მიიღო 59% და გახდა პარტიის კანდიდატი "ნიუიორკელების დამცველის" პოსტზე. მთავარ არჩევნებში, 2013 წლის ნოემბერში, მან დაამარცხა რესპუბლიკელი ოპონენტი და მიიღო ხმების 83%.[4]

ადრეული წლები და განათლება[რედაქტირება | წყაროს რედაქტირება]

ლეტიცია ჯეიმსი დაიბადა ბრუკლინში, ნიუ-იორკში, ნელი და რობერტ ჯეიმსების ოჯახში. გოგონა სწავლობდა ნიუ-იორკის საჯარო სკოლებში. მიიღო ბაკალავრის ხარისხი ნიუ-იორკის საქალაქო უნივერსიტეტში 1981 წელს. [5]

ჯეიმსმა დაამთავრა ჰოვარდის უნივერსიტეტის სამართლის სკოლა 1986 წელს. შემდეგ ჩააბარა ნიუ-იორკის შტატის ადვოკატების გამოცდა 1989 წელს. იგი სწავლობს მაგისტრატურაში საჯარო ადმინისტრირების განხრით კოლუმბიის უნივერსიტეტის საერთაშორისო და საზოგადოებრივ საქმეთა სკოლაში.[6]

კარიერა[რედაქტირება | წყაროს რედაქტირება]

ლეტიცია ჯეიმსი მუშაობდა სახალხო დამცველად იურიდიული დახმარების ორგანიზაციაში. მან აგრეთვე დააარსა აფრო-ამერიკული პროფესიული ორგანიზაციების კოალიცია, რათა დახმარებოდა ახალგაზრდებს განათლების მიღებაში. ამის შემდეგ მას პატარა თანამდებობები ეკავა შტატის მთავრობაში. მისი პირველი საქალაქო საბჭოს კამპანია 2001 წელს წარუმატებელი აღმოჩნდა, განსხვავებით  2003 წლის კამპანიისგან, როდესაც ის აირჩიეს მშრომელთა ოჯახების პარტიიდან და გახდა პირველი ადამიანი, რომელმაც 1977 წლიდან  ნიუ-იორკის შტატში აირჩიეს რაიმე თანამდებობაზე მესამე პარტიიდან.

2005 წელს ჯეიმსმა მოიგო არა მხოლოდ მშრომელთა ოჯახების პარტიის, არამედ დემოკრატიული პარტიის ნომინაციაც. 2013 წელს გაიმარჯვა საზოგადოებრივი ადვოკატის არჩევნებში  ქალაქის მნიშვნელოვანი პროფკავშირებისა და გაზეთების მხარდაჭერით.[7][8]

ნიუ-იორკის შტატის გენერალური პროკურორი[რედაქტირება | წყაროს რედაქტირება]

2018 წლის არჩევნები[რედაქტირება | წყაროს რედაქტირება]

ჯეიმსი ნიუ-იორკის საკრებულოში 2009 წელს

2018 წლის მაისში ჯეიმსმა, რომელიც თავდაპირველად გეგმავდა კენჭისყრას ნიუ-იორკის მერის პოსტზე 2021 წელს,  თავისი კანდიდატურა ნიუ-იორკის გენერალური პროკურორის პოსტზე წარადგინა და მოიგო 2018 წლის 13 სექტემბერს დემოკრატიული პრაიმერი ხმების 40,6%-ით; მან დაამარცხა ზეფირ ტიჩუტი (31%) და კიდევ ორი ​​კანდიდატი. 2018 წლის 6 ნოემბერს ის აირჩიეს გენერალურ პროკურორად, დაამარცხა რესპუბლიკელი კეიტ ვოფფორდი.[9]

პროკურორის თანამდებობაზე[რედაქტირება | წყაროს რედაქტირება]

ჯეიმსმა გენერალური პროკურორის მოვალეობის შესრულებას შეუდგა  2019 წლის 1 იანვარს და შეცვალა ბარბარა ანდერვუდი, რომელიც პირველად დაინიშნა ერიკ შნაიდერმანის გადადგომის შემდეგ.

სახელმწიფო სამოქალაქო სარჩელი იარაღის ეროვნული ასოციაციის (NRA) წინააღმდეგ[რედაქტირება | წყაროს რედაქტირება]

2008

2020 წლის 6 აგვისტოს, სატელევიზიო გადაცემაზე, ჯეიმსმა განაცხადა, რომ მან შეიტანა სამოქალაქო სარჩელი ნიუ-იორკის უზენაეს სასამართლოში იარაღის ეროვნული ასოციაციის (NRA) წინააღმდეგ, რომლის მიხედვით NRA დეპარტამენტის ოთხი ხელმძღვანელი თანაბრალდებულებად დასახელდა. NRA-მ შეიტანა სარჩელი ჯეიმსის წინააღმდეგ, მოტივად  2018 წლის კამპანიის დროს ლეტიცია ჯეიმსის მიერ გაკეთებული განცხადებები დაასახელა. 2022 წლის 2 მარტს ნიუ-იორკის მოსამართლე ჯოელ კოენმა შეაჩერა საქმე, მაგრამ დაუშვა სარჩელი უეინ ლაპიერის წინააღმდეგ.

ანგარიში ენდრიუ კუომოს მხრიდან სექსუალური შევიწროების შესახებ[რედაქტირება | წყაროს რედაქტირება]

2021 წლის 3 აგვისტოს ჯეიმსის ოფისმა გამოაქვეყნა მოხსენება, რომელშიც ნათქვამია, რომ ნიუ-იორკის შტატის გუბერნატორ ენდრიუ კუომოს მხიდან არაერთხელ ჰქონდა ადგილი სექსუალურ შევიწროებას.

2022 წლის დემოკრატიული პრაიმერი გუბერნატორის პოსტზე[რედაქტირება | წყაროს რედაქტირება]

2021 წლის 29 ოქტომბერს ჯეიმსმა გამოაცხადა თავისი განზრახვა კენჭი ეყარა ნიუ-იორკის გუბერნატორის თანამდებობაზე 2022 წლის დემოკრატიული პრაიმერის დროს. არჩევის შემთხვევაში ჯეიმსი გახდებოდა პირველი შავკანიანი ქალი გუბერნატორი რომელიმე შტატში.  დეკემბერში, მან უარი განაცხადა კენჭისყრაზე მას შემდეგ, რაც მუდმივი კენჭისყრა უწევდა მოქმედ გუბერნატორს, ქეთი ჰოჩულს, ხოლო ჯეიმსმა არჩია ხელახლა წარედგინა საკუთარი კანდიდატურა გენერალური პროკურორის თანამდებობაზე.[10][11]

ტრამპის სასამართლო პროცესი ნიუ-იორკში[რედაქტირება | წყაროს რედაქტირება]

ჯეიმსმა, როგორც ნიუ-იორკის გენერალურმა პროკურორმა, შეიტანა სამოქალაქო სარჩელი ტრამპის ორგანიზაციის წინააღმდეგ და მუშაობდა მანჰეტენის ოლქის პროკურორთან ერთად  ამ ორგანიზაციის საქმიანობის სისხლის სამართლის გამოძიებაზე.

2022 წლის არჩევნები[რედაქტირება | წყაროს რედაქტირება]

მას შემდეგ, რაც ჯეიმსმა განაცხადა არჩევნებში  ხელახლა მონაწილეობის შესახებ, ყველა წინა დემოკრატმა კანდიდატმა მოხსნა თავისი კანდიდატურა და მხარი დაუჭირა ჯეიმსს.[12][13]

პირადი ცხოვრება[რედაქტირება | წყაროს რედაქტირება]

ჯეიმსი ცხოვრობს ბრუკლინის კლინტონ ჰილის უბანში და არის ემანუელის ბაპტისტური ეკლესიის წევრი.[14][15]

სქოლიო[რედაქტირება | წყაროს რედაქტირება]

  1. Wall Street Journal
  2. Westerman, Ashley (January 1, 2019). "N.Y. Swears In New Attorney General After A Tumultuous Year For The Office". NPR. Archived from the original on January 1, 2019. Retrieved January 1, 2019.
  3. Larson, Erik (February 4, 2021). "New York Versus the World: Letitia James Is Picking Big Fights". Bloomberg News. Retrieved February 18, 2021.
  4. Kravitz, Derek (August 22, 2013) "Candidates Age Often Listed Incorrectly" The Wall Street Journal. Archived from the original on March 21, 2015. Retrieved January 2, 2014.
  5. "Person of the Year: Letitia James". December 27, 2018.
  6. "Distinguished CUNY Alumnae". The City University of New York. Archived from the original on August 17, 2009. Retrieved May 7, 2009.
  7. "About Tish". Letitia James 2013. Archived from the original on September 15, 2013. Retrieved September 16, 2013.
  8. "'It's a Kill Shot': How Tish James Holds Cuomo's Future in Her Hands". Politico.
  9. "Letitia James Makes History by Winning Attorney General Primary in New York". Archived from the original on September 14, 2018. Retrieved September 15, 2018.
  10. Velasquez, Josefa (October 27, 2021)." Attorney General Letitia James Poised to Announce Run for Governor, Sources Say" THE CITY. Retrieved October 27, 2021.
  11. "New York Attorney General Letitia James announces run for governor" by Amy B Wang, Tyler Pager and Josh Dawsey The Washington Post, October 29, 2021. Retrieved October 31, 2021.
  12. "My full statement on my campaign is below, but most importantly, thank you, New York".
  13. "Now that NYS Attorney General @TishJames has decided not to run for Governor and will run for re-election, AG candidate and Senator Shelley Mayer drops out of the AG race".
  14. Mena, Kelly (January 9, 2019) State AG “Tish” James Brings It Home To God And Community Kings County Politics. Retrieved February 18, 2021.
  15. Manskar, Noah (August 30, 2019). "Local Legend: NY's Top Lawyer Tish James Talks Clinton Hill". Patch. Retrieved February 18, 2021.