კრისეტ მიშელი

მასალა ვიკიპედიიდან — თავისუფალი ენციკლოპედია
კრისეტ მიშელი

ბიოგრაფია
ნამდვილი სახელი კრისეტ მიშელ პეინი
დაბ. თარიღი 8 დეკემბერი, 1982 (1982-12-08) (41 წლის)
დაბ. ადგილი Central Islip
წარმოშობა ცენტრალ-ისლიპი, ნიუ-იორკი, აშშ
ჟანრ(ებ)ი რიტმ-ენდ-ბლუზი, ჰიპ-ჰოპი, სოული, ჯაზი
საქმიანობა მომღერალი
აქტიური 2006 - დღემდე
ლეიბლ(ებ)ი
საიტი chrisettemichelesworld.com
კრისეტ მიშელი ვიკისაწყობში

კრისეტ მიშელ პეინი (ინგლ. Chrisette Michele Payne; დ. 8 დეკემბერი, 1982, ცენტრალ-ისლიპი, ნიუ-იორკი, აშშ) — ამერიკელი რიტმ-ენდ-ბლუზისა და სოულის მომღერალი. 2009 წელს მოიგო გრემის ჯილდო საუკეთესო ურბანული/ალტერნატიული შესრულების კატეგორიაში კომპოზიციისთვის „Be OK".

მუსიკოსმა კარიერის დასაწყისში კონტრაქტი გააფორმა ლეიბლებთან Motown Records, Capitol Records და Caroline Distribution.[1][2][3] 2016 წელს შექმნა თავისი ლეიბლი Rich Hipster.

ადრეული ცხოვრება[რედაქტირება | წყაროს რედაქტირება]

მიშელი დაიბადა ცენტრალ-ისლიპში, ნიუ-იორკში და გაიზარდა პაჩოგში.[4] მამა სოციოლოგი იყო, დედა კი ფსიქოლოგი. სკოლაში სწავლის დროს მღეროდა ეკლესიის გუნდში. მუსიკალური განათლება მიიღო Five Towns-ის კოლეჯში. სოულ მომღერლის, რაჰიმ დევონის ბიძაშვილი.

კარიერა[რედაქტირება | წყაროს რედაქტირება]

მიშელმა კარიერის დასაწყისში ჩაწერა რამდენიმე კოლაბორაციული ნამუშევარი, მათ შორის „Lost One" ჯეი-ზისთან ერთად. მან კონტრაქტი გააფორმა ლეიბლებთან Motown Records, Capitol Records და Caroline Distribution. მუსიკოსის სადებიუტო ალბომი, I Am, გამოვიდა 2007 წლის 18 ივნისს.[5] ალბომიდან გამოვიდა ოთხი სინგლი: „If I Have My Way", „Best of Me", „Be OK" და „Love Is You". წამყვანი სინგლი, „If I Have My Way" 24-ე ადგილზე გავიდა აშშ-ის ცხელ რიტმ-ენდ-ბლუზ/ჰიპ-ჰოპ სიმღერების ჩარტში.[6] რაც შეეხება სხვა სინგლებს, „Best of Me" Hot Adult Contemporary Tracks-ის ჩარტში 21-ე ადგილზე გავიდა. 2007 წლის დეკემბერში გამოვიდა მესამე სინგლი „Be OK", რომელიც 64-ე ადგილზე აღმოჩნდა ცხელ რიტმ-ენდ-ბლუზ/ჰიპ-ჰოპ სიმღერების ჩარტში. კომპოზიციამ მოიგო გრემის ჯილდო საუკეთესო ურბანული/ალტერნატიული შესრულების კატეგორიაში. 2008 წელს გამოვიდა „Love Is You" და 90-ე ადგილზე გავიდა ცხელ რიტმ-ენდ-ბლუზ/ჰიპ-ჰოპ სიმღერების ჩარტში.

2008 წელს მუსიკოსმა დაიწყო მეორე ალბომის, Epiphany-ის ჩაწერა. 2009 წლის იანვარში გამოვიდა ნამუშევრის მთავარი სინგლი.[7] კომპოზიცია ბილბორდის ცხელ ასეულში 89-ე ადგილზე გავიდა. ალბომი „Epiphany“ პირველ ადგილზე გავიდა ბილბორდ 200-ში.[8] ალბომის გამოსვლიდან ერთი კვირის შემდეგ გამოვიდა კიდევ ერთი სინგლი, სახელწოდებით „Blame It on Me". მიუხედავად იმისა, რომ ნამუშევარს კომერციული წარმატება არ ხვდა წილად, ის ცხელ რიტმ-ენდ-ბლუზ/ჰიპ-ჰოპ სიმღერების ჩარტში 28-ე ადგილზე გავიდა. ალბომიდან გამოვიდა კიდევ ორი სინგლი, „What You Do" იმავე წელის ივლისში და „Fragile" ნოემბერში.

Epiphany-ის გამოსვლიდან მალევე მიშელმა დაიწყო მუშაობა მომდევნო ალბომზე. მან ითანამშრომლა რეპერ რიკ როსთან და დრეიკთან. მათ ჩაწერეს სიმღერა „Aston Martin Music".[9] კომპოზიცია გამოვიდა 2010 წლის 5 ოქტომბერს. მიშელმა გამოუშვა თავისი მესამე სტუდიური ალბომი „Let Freedom Reign“ 2010 წლის 30 ნოემბერს. ალბომიდან გამოვიდა სინგლები „I'm a Star", „Goodbye Game" და „I Don't Know Why, But I Do". ალბომი 25-ე ადგილზე გავიდა ბილბორდ 200-ში. გამოსვლიდან პირველივე კვირაში მისი 42000 ასლი გაიყიდა. ალბომი მე-7 ადგილზე გავიდა რიტმ-ენდ-ბლუზ/ჰიპ-ჰოპ ალბომების ჩარტში.

2010 წლის 5 ნოემბერს გამოვიდა მუსიკოსის პირველი მიქსტეიპი, Love Thy Brother. 2012 წლის 7 დეკემბერს გამოუშვა მეორე მიქსტეიპი, სახელწოდებით Audrey Hepburn: An Audiovisual Presentation.

მუსიკოსის ახალი სინგლი, „Charades", გამოვიდა 2013 წლის 29 იანვარს. მეორე სინგლი „A Couple of Forevers" გამოვიდა თებერვალში. კიდევ ერთ სინგლი „Alcon“ გამოვიდა 2013 წლის 11 ივნისს.[10] მუსიკოსის ახალი ალბომი „Better“ გამოვიდა 2013 წლის 11 ივნისს. ნამუშევარი ბილბორდ 200-ის ჩარტში მე-12 ადგილზე გავიდა. გამოშვებიდან პირველივე კვირაში მისი 27000 ასლი გაიყიდა. ალბომმა მიიღო 2014 წლის გრემის ნომინაცია საუკეთესო რიტმ-ენდ-ბლუზ ალბომის კატეგორიაში.

2014 წლის 24 ნოემბერს მიშელმა გამოუშვა ახალი EP „The Lyricist's Opus“. ნამუშევრიდან გამოვიდა ორი სინგლი: „Super Chris" 1 ოქტომბერს და „Together" 15 დეკემბერს. 2016 წლის 12 ნოემბერს მუსიკოსმა გამოუშვა ახალი სინგლი „Steady". მიშელის მეხუთე სტუდიური ალბომი „Milestone tour“ გამოვიდა 2016 წლის 10 ივნისს Rich Hipster-ის ეგიდით.[11] იმავე წელს მუსიკოსმა დააარსა თავისი ლეიბლი Rich Hipster. 2018 წელს გამოუშვა ალბომი Out of Control. 2020 წელს გამოვიდა მუსიკოსის ახალი სინგლი „Wait".[12]

დისკოგრაფია[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ↑ „Chrisette Michele Speaks On Miscarriage After Reportedly Getting Dropped From Label“. Vibe. October 28, 2017.
  2. ↑ Breakfast Club Power 105.1 FM. (November 2, 2017) Chrisette Michele Addresses Miscarriage + Aftermath Of Performing at Trump's Inauguration.
  3. ↑ 'Chrisette Michele Opens Up About Miscarriage and Label Drop After Trump Inauguration', Essence, October 28, 2017.
  4. ↑ Gamboa, Glenn. "Chrisette Michele has an 'Epiphany'", Newsday, May 3, 2009. დაარქივებული May 6, 2009, საიტზე Wayback Machine.
  5. ↑ Cost 2 Coast Presents (January 30, 2013). ციტირების თარიღი: January 31, 2013
  6. ↑ I am All Music Credits. AllMusic. ციტირების თარიღი: May 19, 2016
  7. ↑ New Music: Chrisette Michele "Epiphany" Off New Album – Listen Now! დაარქივებული February 3, 2009, საიტზე Wayback Machine.
  8. ↑ Caulfield, Keith (May 13, 2009). „Chrisette Michele Scores First No. 1 On Billboard 200“. Billboard. ციტირების თარიღი: May 13, 2009.
  9. ↑ Rick Ross 'Teflon Don' In Stores Now. Teflondonross.com. ციტირების თარიღი: January 9, 2011
  10. ↑ Album Cover:Chrisette Michele-"Better".
  11. ↑ themilestonetour. დაარქივებულია ორიგინალიდან — აპრილი 15, 2016. ციტირების თარიღი: თებერვალი 27, 2024.
  12. ↑ Chrisette Michele Returns With New Single "Wait".
მოძიებულია „https://ka.wikipedia.org/w/index.php?title=კრისეტ_მიშელი&oldid=4637294“-დან