კორომოტოს ღვთისმშობელი

მასალა ვიკიპედიიდან — თავისუფალი ენციკლოპედია
Jump to navigation Jump to search
კორომოტოს ღვთისმშობლის ხატი
კორომოტოს ღვთისმშობლის ქანდაკება გუანარეში

კორომოტოს ღვთისმშობელი (ესპ. Nuestra Señora de Coromot) — ღვთისმშობლის ცნობილი კათოლიკური ხატი. 1942 წელს გამოცხადდა ვენესუელის მფარველად.

როდესაც 1591 წელს პორტუგესის შტატის დედაქალაქი გუანარე დაარსდა, რეგიონში მცხოვრები ადგილობრივი ინდიელები — კოსპესები ჩრდილოეთით, ჯუნგლებში გაიქცენენ. ამავე დროს კათოლიკურმა ეკლესეიამ მათი ქრისტიანობაზე მოქცევა დაიწყო, რასაც წინააღმდეგობა მოჰყვა.[1] არსებობს გადმოცემა, რომ ადგილობრივ ტომთა ბელადს ღვთისმშობელი ორჯერ გამოეცხადა, პირველად 1651 წელს, მდინარის ხეობაში და მოუწოდა მონათლულიყო, მეორედ კი 1652 წლის 8 სექტემბერს მის ქოხში, როდესაც ის კვლავ უარს ამბობდა მონათვლაზე. მან ღვთისმშობლის აჩრდილის შეპყრობა სცადა, თუმცა ის გაუჩინარდა და იმ ადგილას პატარა ნახატი დატოვა.[2][3][4]

1942 წლის 1 მაისს, ვენესუელის ეპარქიამ ხატი ქვეყნის მფარველად გამოაცხადა, რაც 1944 წლის 7 ოქტომბერს რომის პაპმა პიუს XII-მ დაადასტურა. შემდეგში, გუანარეში ვიზიტისას პაპმა იოანე პავლე II-მ ხატის სამლოცველო გვირგვინით შეამკო, პაპმა ბენედიქტე XVI-მ კი კორომოტოს ღვთისმშობლის სალოცავი მცირე ბაზილიკის რანგში აიყვანა.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. De La Torre, Miguel (2009). Hispanic American Religious Cultures. ABC-CLIO, გვ. 575. ISBN 978-1-59884-139-8. 
  2. Davidson, Linda Kay (2002). Pilgrimage: From the Ganges to Graceland, An Encyclopedia. ABC-CLIO, გვ. 214. ISBN 978-1-57607-543-2. 
  3. De La Torre, Miguel (2009). Hispanic American Religious Cultures. ABC-CLIO, გვ. 575. ISBN 978-1-59884-139-8. 
  4. Nichols, Elizabeth Gackstetter; Kimberly J. Morse (2010). Venezuela. 978-1598845693, გვ. 175.