კავალა

კავალა
ბერძ. Καβάλα
ქალაქი
	კავალა; ბერძ. Καβάλα
ქვეყანა	საბერძნეთი
კოორდინატები	40°56′22″ ჩ. გ. 24°24′24″ ა. გ. / 40.9395889° ჩ. გ. 24.4068694° ა. გ.
ფართობი	112.6 კმ²
ცენტრის სიმაღლე	53 მეტრი
მოსახლეობა	54 027 (2011)
სასაათო სარტყელი	UTC+2 და UTC+3
სატელეფონო კოდი	2510
საფოსტო ინდექსი	65x xx
	კავალა ვიკისაწყობში

კავალა (ბერძ. Καβάλα) — ქალაქი ჩრდილოეთ საბერძნეთში. მდებარეობს ქვეყნის ჩრდილო-აღმოსავლეთ ნაწილში, კავალის რეგიონალურ ერთეულში. განლაგებულია კავალის უბის ნაპირზე, კუნძულ თასოსის სიახლოვეს. მაკედონიის რეგიონის უდიდეს ქალაქ სალონიკიდან დაშორებულია 160 კილომეტრით.

სახელები[რედაქტირება | წყაროს რედაქტირება]

ქალაქის ანტიკური სახელია ნეაპოლისი (ახალი ქალაქი, როგორც მრავალი ბერძნული კოლონია). შუა საუკუნეებში ქალაქს სახელი შეეცვალა და ქრისტოპოლისი (ქრისტეს ქალაქი) ეწოდა.

ეტიმოლოგია[რედაქტირება | წყაროს რედაქტირება]

ქალაქის დღევანდელი სახელწოდების ეტიმოლოგია დავის საგანია. ზოგიერთი მას ქალაქის სიახლოვეს არსებულ ანტიკურ ბერძნულ სოფელ სკავალას უკავაშირებს. მოწინააღმდეგეების ნაწილი სახელის იტალურ (იტალ. cavallo კავალო - ცხენი) წარმომავლობაზე მიუთითებენ, ნაწილი კი ქალაქში ებრაული მოსახლეობის დიდი რაოდენობის გამო ებრაული კაბალასკენ იხრება. ქალაქის მეტსახელია - ცისფერი ქალაქი.

ტრანსპორტი[რედაქტირება | წყაროს რედაქტირება]

საგზაო ქსელი[რედაქტირება | წყაროს რედაქტირება]

ევროპის ავტომაგისტრალი E90 კვეთს ქალაქს და კავალას სხვა მეზობელ ქალაქებთან აკავშირებს. ქალაქის ჩრდილოეთით მდებარეობს ეგნატიის საავტომობილო გზა (A2). ქალაქში მოხვედრა ორი შესასვლელიდან არის შესაძლებელი; 'დასავლეთი კავალა' და 'აღმოსავლეთი კავალა'. კავალა კარგად განვითარებული ავტობუსის ქსელით (KTEL) დაკავშირებულია სალონიკთან და ათენთან.

აეროპორტი[რედაქტირება | წყაროს რედაქტირება]

კავალის ალექსანდრე დიდის საერთაშორისო აეროპორტი (კავალიდან 27კმ.) რეგულარულ რეისებს ასრულებს ათენში, აგრეთვე ჩარტერულ რეისებს ევროპის მრავალ ქალაქში.

პორტი[რედაქტირება | წყაროს რედაქტირება]

კავალა მრავალი საბორნე მარშრუტით დაკავშირებულია ეგეოსის ზღვის ჩრდილოეთში მდებარე ყველა კუნძულთან.

ავტობუსი[რედაქტირება | წყაროს რედაქტირება]

ქალაქი დაკავშირებულია საბერძნეთის ყველა მსხვილ ქალაქთან, მათ შორის სალონიკთან და ათენთან. საავტობუსო ხაზებით ასევე დაკავშირებულია ყველა ადგილობრივ სოფელთან. მგზავრობის საფასური ძალიან დაბალია.