იური ჩიქოვანი

მასალა ვიკიპედიიდან — თავისუფალი ენციკლოპედია
Jump to navigation Jump to search

იური კონსტანტინეს ძე ჩიქოვანი (დ. 6 იანვარი, 1937 — გ. 12 ნოემბერი, 2018[1]) — ქართველი მოჭადრაკე, საჭადრაკო თეორეტიკოსი, გენეალოგი.

პროფესიით ფილოლოგი. წლების განმავლობაში ასწავლიდა თბილისის უცხო ენათა პედაგოგიური ინსტიტუტის ინგლისური ენის კათედრაზე. იყო ჭადრაკში თბილისის 4-გზის და საქართველოს 1976 წლის ჩემპიონი ვაჟებში, საბჭოთა კავშირის სპორტის ოსტატი (1966), საქართველოს დამსახურებული მწვრთნელი. მისი მოსწავლეები იყვნენ ქართველი მოჭადრაკეები: მაია ჩიბურდანიძე, ნინო გურიელი, ზურაბ აზმაიფარაშვილი.[2]

1984 წლიდან დაინტერესებული იყო გენეალოგიური კვლევებით. 1995 წლიდან გარდაცვალებამდე იყო მის მიერვე დაარსებული ქართული გენეალოგიური საზოგადოების თავმჯდომარე, 1999–2003 წლებში — საქართველოს პარლამენტის ეროვნული ბიბლიოთეკის გენეალოგიური კვლევების ცენტრის ხელმძღვანელი. იყო საქართველოს თავადაზნაურთა საკრებულოს ვიცე-წინამძღოლი და მთავარი გენეალოგი, 2004 წლიდან — საერთაშორისო გენეალოგიური აკადემიის წევრი. ავტორია ქართული საგვარეულოების და გენეალოგიის შესახებ 9 წიგნისა და მრავალი სამეცნიერო სტატიისა.[3]

ვიკიწყარო
ვიკიწყაროში არის სტატია:

სქოლიო[რედაქტირება | წყაროს რედაქტირება]