იულარა (ინგლ.Yulara) — ქალაქი ავსტრალიაში, მდებარეობს ცენტრალურ ავსტრალიაში, ჩრდილოეთი ტერიტორიის შტატის ალის-სპრინგსის რეგიონში. 2011 წლის აღწერის მონაცემებით ქალაქის მოსახლეობა შეადგენს 887 კაცს[1], ხოლო ფართობი — 103,33 კმ²-ს. ულურუდან დაშორებულია 18 კილომეტრით, რეგიონის ადმინისტრაციულ ცენტრ ალის-სპრინგსიდან 428 კილომეტრით. იულარა მდებარეობს ზღვის დონიდან 492 მ სიმაღლეზე. ქალაქი მოქცეულია უდაბნოების ტერიტორიაზე. ყველაზე ცხელი თვეებია იანვარი და თებერვალი, ყველაზე ცივი თვეა ივლისი. ნალექების ყოველწლიური რაოდენობა საკმაოდ დაბალია და უტოლდება 271.3 მმ-ს.