ინოსტრანცევია (ლათ.Inostrancevia) — პერმული პერიოდისქვეწარმავლების გვარი მხეცისნაირთა რიგისა. ცნობილია მხოლოდ გვიანდელი პერმული ნალექებიდან აღმოსავლეთ ევროპაში. სხეულის სიგრძე 3.5 მ აღწევდა. ჰქონდათ დიდი ზომის ბასრი ეშვები, თითებზე — მძლავრი ბრჭყალები და დიდი თავი; შედარებით მსუბუქი ჩონჩხი. ცნობილია 3 სახეობა. მათი ნამარხი ჩონჩხები რუსმა მეცნიერმა ვლადიმერ ამალიცკიმჩრდილოეთ დვინის ზედა პერმულ ნალექებში აღმოაჩინა. სახელი ეწოდა რუსი გეოლოგის ალექსანდრე ინოსტრანცევის პატივსაცემად.
