იერიქონის ვარდი
იერიქონის ვარდი — უდაბნოს იმ ერთწლოვან მცენარეთა სახელწოდება, რომელთა ღეროები თესლის მომწიფების შემდეგ ხმება, ბურთისებრ ფორმას იღებს, სწყდება ფესვებს და ქარს დიდ მანძილზე გადააქვს (ბურბურა). ნესტიან ამინდში ამ მცენარეების თესლი ცვივა და ლივდება. იერიქონის ვარდის სახელით ყველაზე მეტად ცნობილია რთულყვავილოვანთა ოჯახის Odontospermum pygmaeum (გავრცელებულია კანარის კუნძულებსა და საჰარაში) და ჯვაროსანთა ოჯახის Anastatica hierochuntica (ხარობს მაროკოდან სამხრეთ ირანამდე).
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 5, თბ., 1980. — გვ. 86.