თამარ აბაკელიას ქუჩა

თამარ აბაკელიას ქუჩა
თ. აბაკელიას ქ. 9, საცხოვრებელი სახლი
საერთო ინფორმაცია
ქვეყანა	საქართველო
ქალაქი	თბილისი
წინა სახელები	არსენალის შესახვევი, მცირე სასამართლოს ქუჩა, ტრიბუნალის შესახვევი
ისტორიული რაიონი	მთაწმინდის რაიონი

თამარ აბაკელიას ქუჩა — ქუჩა თბილისში (მთაწმინდის რაიონი), მტკვრის მარჯვენა სანაპიროზე, მთაწმინდის ფერდობზე. მისასვლელი ძმები ზუბალაშვილების ქუჩიდან.

ქუჩა წარმოიქმნა XIX საუკუნეში. 1867 წელს ეწოდა არსენალის შესახვევი, 1897 — მცირე სასამართლოს ქუჩა, 1923 წ. — ტრიბუნალის შესახვევი. 1953 წ. ქუჩას მიენიჭა ხელოვან თამარ აბაკელიას სახელი, რომელიც აქ ცხოვრობდა. ქუჩაზე მდებარე XX საუკუნის დასაწყისის საცხოვრებელი სახლები შეტანილია თბილისის ისტორიულ-არქიტექტურულ ძეგლთა ნუსხაში.

ლიტერატურა

• ენციკლოპედია „თბილისი. ქუჩები, გამზირები, მოედნები“, თბ., 2008. — გვ. 11, ISBN 978-99928-20-35-3.