ზღვის ღორი

ზღვის ღორი (ლათ. Phocoena phocoena) — წყლის ძუძუმწოვარი ცხოველი ვეშაპისნაირთა რიგისა. მისი სხეულის სიგრძე 1,8 მ აღწევს, წონა 80 კგ. ზურგი და ფარფლი მუქი ფერისაა, მუცელი თეთრი, გვერდები ნაცრისფერი. გვხვდება წყნარი ოკეანის ჩრდილო ნაწილისა და ჩრდილოეთი ატლანტიკის სანაპირო ზონაში. პატარ-პატარა ჯოგებად ცხოვრობს. ძირითადად იკვებება ჯოგებად მცხოვრები თევზებით, თავფეხიანებითა და მოლუსკებით. შობს ნაშიერს, რომლის სხეულის სიგრძეა დაახლოებით 75 სმ, წონა დაახლოებით 3 კგ. ზღვის ღორს წარსულში ჰქონდა სარეწაო მნიშვნელობა. 1965 წლიდან მასზე რეწვა აკრძალულია.

რესურსები ინტერნეტში

• ზღვის ღორი (რუსული) — სტატია დიდი საბჭოთა ენციკლოპედიიდან