ვლადიმერ აფხაზავა
| ვლადიმერ აფხაზავა | |
|---|---|
 2017 წლის მასწავლებლის ეროვნული ჯილდოს პირველი მფლობელი | |
| დაბადების თარიღი |
9 იანვარი, 1976 ნიგვზიანი, ლანჩხუთის მუნიციპალიტეტი, საქართველო |
| ეროვნება | ქართველი |
| მოქალაქეობა |
 საქართველო |
| ალმა-მატერი | ბათუმის კოოპერაციული ინსტიტუტი |
| საქმიანობა | პედაგოგი; სამოქალაქო განათლების მასწავლებელი |
| აქტიური | XXI საუკუნე |
| ჯილდოები |
2017 —  ; 2019 — Global Teacher Prize, Top 10 ფინალისტი |
ვლადიმერ (ლადო) აფხაზავა (დ. 9 იანვარი, 1976, ნიგვზიანი, ლანჩხუთის მუნიციპალიტეტი) — ქართველი პედაგოგი, სამოქალაქო განათლების მასწავლებელი. 2017 წელს გახდა მასწავლებლის ეროვნული ჯილდოს პირველი მფლობელი;[1] 2019 წელს კი მოხვდა Global Teacher Prize-ის Top 10 ფინალისტთა შორის.[2]
ბიოგრაფია
[რედაქტირება | წყაროს რედაქტირება]აფხაზავა დაიბადა სოფელ ნიგვზიანში. 1993 წელს დაამთავრა ნიგვზიანის საშუალო სკოლა, ხოლო 1999 წელს — წარჩინებით ბათუმის კოოპერაციული ინსტიტუტის ეკონომიკის ფაკულტეტი.[3]
2010 წლიდან მუშაობს სოფელ ჩიბათის საჯარო სკოლაში სამოქალაქო განათლების მასწავლებლად, ხოლო 2012 წლიდან არის მცირე საოჯახო სახლის მენეჯერი, სადაც რვა ბავშვი ცხოვრობს.[1]
პედაგოგიური ხედვები და პროექტები
[რედაქტირება | წყაროს რედაქტირება]აფხაზავას მიზანია, მოსწავლეები ჩამოყალიბდნენ აქტიურ მოქალაქეებად და თანამედროვე საზოგადოების ლიდერებად — დამოუკიდებელ, კრიტიკულად მოაზროვნე პიროვნებებად, რომლებსაც შეუძლიათ საკუთარი აზრის გამოხატვა და ინიციატივების განხორციელება. სწავლების პროცესში განსაკუთრებულ ყურადღებას უთმობს პროექტულ სწავლებას და მრავალფეროვან სასწავლო გარემოს; ხშირად ატარებს გაკვეთილებს არაფორმალურ სივრცეებში, რათა ყოველი მოსწავლე იყოს აქტიურად ჩართული.[1]
2003 წელს დააფუძნა არაფორმალური განათლების ბანაკი, რომელსაც მოსწავლეებმა „ლადოს ბანაკი“ უწოდეს.[4]
მისი ინიციატივით განხორციელდა არაერთი სკოლის მასშტაბის პროექტი: „დემოკრატიული რევოლუცია“ — სკოლის მენეჯმენტის განახლებისა და მოსწავლეთა ინიციატივების მხარდაჭერისთვის; „ეთნო რძლები“ — მულტიკულტურალიზმისა და ტოლერანტობის ხელშესაწყობად, რომელმაც საერთაშორისო აღიარება მოიპოვა.[5]
საზოგადოებრივი და სამოქალაქო აქტივობა
[რედაქტირება | წყაროს რედაქტირება]მის საქმიანობას აერთიანებს დევიზი — „ბავშვი უპირველეს ყოვლისა“. განსაკუთრებულ მნიშვნელობას ანიჭებს ბავშვთა უფლებების დაცვას; თანამშრომლობს სოციალურ სამსახურებთან, ეწინააღმდეგება არასრულწლოვანთა შრომით ექსპლუატაციასა და სასწავლო პროცესიდან მოწყვეტას (მათ შორის სეზონურ სამუშაოდ საზღვარგარეთ გასვლას). აფხაზავა აქტიურად თანამშრომლობს კოლეგებთან — არა მხოლოდ საკუთარ სკოლაში, არამედ რეგიონულ და ეროვნულ დონეზე — გამოცდილებისა და მეთოდოლოგიური სიახლეების გასაზიარებლად.[1]
აღიარება
[რედაქტირება | წყაროს რედაქტირება]2017 წლის 5 ოქტომბერს აფხაზავას გადაეცა მასწავლებლის ეროვნული ჯილდო და გახდა მისი პირველი მფლობელი.[1] 2018 წლის 13 დეკემბერს მოხვდა Global Teacher Prize-ის Top 50 სიაში,[6] ხოლო 2019 წლის 21 თებერვალს — მსოფლიოს საუკეთესო მასწავლებლის Top 10 ფინალისტს შორის.[2][7]
რესურსები ინტერნეტში
[რედაქტირება | წყაროს რედაქტირება]- Global Teacher Prize — 2019 Top 10 finalists
- TPrize.ge — ლადო აფხაზავა გლობალური ჯილდოს ფინალში
- „მე არ ვარ ჩვეულებრივი მასწავლებელი — ლადო აფხაზავა“
სქოლიო
[რედაქტირება | წყაროს რედაქტირება]- ↑ 1.0 1.1 1.2 1.3 1.4 ვლადიმერ აფხაზავა — 2017 წლის გამარჯვებული ka. დაარქივებულია ორიგინალიდან — 2022-03-31. ციტირების თარიღი: 2025-09-28.
- ↑ 2.0 2.1 2019 — Top 10 finalists en. ციტირების თარიღი: 2025-09-28.
- ↑ მასწავლებლის ეროვნული ჯილდოს ფინალისტები ka. დაარქივებულია ორიგინალიდან — 2021-05-18. ციტირების თარიღი: 2025-09-28.
- ↑ მე არ ვარ ჩვეულებრივი მასწავლებელი — ლადო აფხაზავა ka (2017-11-22). ციტირების თარიღი: 2025-09-28.
- ↑ „ძალიან ბედნიერი ვარ…“ — ლადო აფხაზავა მასწავლებლის გლობალური ჯილდოს ფინალშია ka. ციტირების თარიღი: 2025-09-28.
- ↑ ვლადიმერ აფხაზავა მსოფლიოს მასშტაბით 50 საუკეთესო მასწავლებელს შორისაა ka (2018-12-13). დაარქივებულია ორიგინალიდან — 2019-02-24. ციტირების თარიღი: 2019-01-08.
- ↑ ლადო აფხაზავა მასწავლებლის გლობალური ჯილდოს ფინალშია ka (2019-02-21). ციტირების თარიღი: 2025-09-28.
| |||||