ვეძისის სამარხი

ვეძისის სამარხი — გვიანდელი ბრინჯაოს ხანის სამარხი. აღმოჩნდა 1965 წელს საბურთალოს (ახლანდ. სულხან ცინცაძის) ქუჩაზე მდებარე სახლის სარდაფში, 1,5 მ სიღრმეზე. გამოვლინდა მიცვალებულის ჩონჩხის ძვლები და სხვადასხვა მოყვანილობის ცხრა თიხის ჭურჭელი. სავარაუდოა, რომ აქ არსებობდა სამაროვანი, რომელიც სახლების მშენებლობის დროს დაზიანდა. მასალა ინახება საქართველოს ეროვნული მუზეუმის საცავებში.

ლიტერატურა

• ენციკლოპედია „თბილისი“, თბ., 2002. — გვ. 475, ISBN 99928-20-32-2.

• ვეძისის სამარხი // ენციკლოპედია „საქართველო“, ტ. 3, თბ., 2014.