ედუარდ მირზოიანი

ედუარდ მირზოიანი
ბიოგრაფია
დაბ. თარიღი	12 მაისი, 1921
დაბ. ადგილი	გორი, საქართველოს სსრ
წარმოშობა	სსრკ  სომხეთი
გარდ. თარიღი	5 ოქტომბერი, 2012 (91 წლის)
გარდ. ადგილი	ერევანი, სომხეთი
დასაფლავებულია	კომიტასის პანთეონი
საქმიანობა	კომპოზიტორი, პედაგოგი
ჯილდოები	სსრკ-ის სახელმწიფო პრემია, ლენინის ორდენი, საპატიო ნიშნის ორდენი, სსრკ-ის სახალხო არტისტი, ერევნის საპატიო მოქალაქე, ღირსების ორდენი, სომხეთის სსრ-ის ხელოვნების დამსახურებული მოღვაწე, სომხეთის სსრ-ის სახალხო არტისტები, წმინდა მესროპ მაშტოცის ორდენი, მოსე ხორენაცის მედალი, Jubilee Medal "50 Years of Victory in the Great Patriotic War 1941–1945", „ვლადიმერ ილიას ძე ლენინის დაბადებიდან 100 წლისთავის აღსანიშნავი“ საიუბილეო მედალი, მედალი „კავკასიის დაცვისათვის“, მედალი „1941-1945 წლების დიდ სამამულო ომში გერმანიაზე გამარჯვებისათვის“, „1941-1945 წლების დიდ სამამულო ომში გამარჯვების 20 წლისთავის“ საიუბილეო მედალი, 1941-1945 წლების დიდ სამამულო ომში გამარჯვების 40 წლისთავის“ საიუბილეო მედალი, მედალი „1941-1945 წლების დიდ სამამულო ომში გმირული შრომისათვის“ და ორდენი „კირილე და მეთოდე“
ედუარდ მირზოიანი ვიკისაწყობში

ედუარდ მირზოიანი (სომხ. Էդվարդ Միրզոյան დ. 12 მაისი, 1921 გორი — გ. 5 ოქტომბერი, 2012, ერევანი) — სომეხი კომპოზიტორი, პედაგოგი, საზოგადო მოღვაწე, სსრკ-ის სახალხო არტისტი (1981).

ბიოგრაფია

დაიბადა 1921 წლის 12 მაისს ქალაქ გორში (საქართველო). 3 წლის ასაკში დედასთან ერთად საცხოვრებლად გადავიდა ერევანში. იგი სწავლობდა ერევნის სამუსიკო სკოლაში. 1941 წელს დაამთავრა ერევნის სახელმწიფო კონსერვატორიის კომპოზიციის კლასი. 1942 წელს მსახურობდა საბჭოთა არმიის რიგებში. ომის დროს, მან დაწერა უამრავი სამხედრო და პატრიოტული სიმღერა. 1945-1946 წლებში იყო მუსიკალური სკოლის პედაგოგი ერევანში. 1948 წლიდან იგი პედაგოგია ერევნის კონსერვატორიაში. ედუარდ მირზოიანმა აღზარდა ისეთი ცნობილი მუსიკოსები და კომპოზიტორები როგორიცაა - კონსტანტინე ორბელიანი, რობერტ ამირხანიანი, ხაჩატურ ავეტისიანი და სხვები.

გარდაიცვალა 2012 წლის 5 ოქტომბერს ერევანში. დაკრძალულია კომიტასის პანთეონში.

ოჯახი

• მამა — სიმონ ალიკანოვი (პოლკოვნიკი)
• დედა — ლუსია პერშანგოვა (მსახიობი)
• მამინაცვალი — მიქაელ ივანეს ძე მირზოიანი (1888-1958), კომპოზიტორი, პედაგოგი, საქართველოს დამსახურებული არტისტი.

შემოქმედება

ედუარდ მირზოიანმა შექმნა უამრავი სხვადასხვა ჟანრის ნამუშევრები, რომლებმაც აღიარება მოუტანა მას, მის ნამუშევრებს დიდი ადგილი უკავია მსოფლიო მუსიკის საგანძურში. მათ შორისაა:

• „სადღესასწაულო კანტატა“ (1949),
• „ლენინის კანტატა“ (1950),
• „II მსოფლიო ომის გმირები“ (1944),
• უვერტიურა (1947),
• „პოემა“ (1955)
• სიმებიანი კვარტეტი (1947),
• სონატა ვიოლინოსა და ფორტეპიანოსათვის (1939),
• სონატა ჩელოსა და ფორტეპიანოსათვის (1967),

ასევე აქვს შექმნილი მუსიკალური ნაწარმოებები ფილმებისათვის.

ფილმოგრაფია

• 1959 — „მეწყერი“
• 1973 — „ქაოსი“
• 1975 — „დღეს არის მზიანი დღე“ (დოკუმენტური)
• 1977 — „რევკომის თავმჯდომარე“

ჯილდოები

• სსრკ სახალხო არტისტი (1981)
• ლენინის ორდენი (1971)
• ღირსების ორდენი (2011)
• ჯილდო არამ ხაჩატურიანი (სსრკ კულტურის სამინისტრო, 1988)
• ლეონარდო და ვინჩის მედალი (ევროპული კომიტეტის საჯარო ჯილდო და გაერთიანებული ერების ორგანიზაციის პრიზი, (2006)
• სომხეთის ეროვნული მეცნიერებათა აკადემიის ოქროს ჯილდო (2006)
• სსრკ - ის მედლები
• ერევნის საპატიო მოქალაქე (2001).

რესურსები ინტერნეტში

• Эдвард Михайлович Мирзоян на YouTube
• Эдвард Мирзоян — კინოფილმების ინტერნეტ-მონაცემთა ბაზა (ინგლისური)
• Эдвард Михайлович Мирзоян — Ноты произведений в нотной библиотеке проекта «Детское образование в сфере искусства России»
• Интродукция и вечное движение