დავიდ ოსპინა

დავიდ ოსპინა

პირადი მონაცემები
სრული სახელი	დავიდ ოსპინა რამირესი
დაბადების თარიღი	31 აგვისტო, 1988 (1988-08-31)
დაბადების ადგილი	მედელინი, კოლუმბია
სიმაღლე	183 სმ
სათამაშო პოზიცია	მეკარე
პროფესიონალური კარიერა*
წლები	გუნდი	მატჩი	(გოლი)
2005-2008	ატლეტიკო	97	(0)
2008-2014	ნიცა	189	(0)
2014-	არსენალი	29	(0)
2018–2019	→  ნაპოლი	17	(0)
2019–	ნაპოლი	44	(0)
ეროვნული ნაკრები‡
2005-2007	კოლუმბია 20	12	(0)
2007-	კოლუმბია	121	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 21 ნოემბერი, 2021 ‡ ეროვნული ნაკრების მატჩი და გოლი ბოლოს განახლდა: 17 ნოემბერი, 2021

დავიდ ოსპინა რამირესი (ესპ. David Ospina Ramírez; დ. 31 აგვისტო, 1988) — კოლუმბიელი ფეხბურთელი, „ნაპოლის“ და კოლუმბიის ეროვნული ნაკრების მეკარე.

კარიერა

17 წლის ასაკში დავიდ ოსპინამ იდებიუტა კოლუმბიური „ატლეტიკო ნასიონალის“ პირველ გუნდში. შემდეგ სეზონებში ოსპინა თავისი გუნდის ძირითადი შემადგენლობის მეკარედ ჩამოყალიბდა. 20 წლის ასაკში მას ჰქონდა შემოთავაზებები მადრიდის „ატლეტიკოსა“ და „ბოკა ხუნიორსისგან“, თუმცა იმ წელს კოლუმბიელი სამშობლოში დარჩა.

ნიცა

2008 წლის 1 აგვისტოს ოსპინა ფრანგულ „ნიცას“ შეუერთდა. ტრანსფერის ღირებულებამ ორი მილიონი ევრო შეადგინა. პირველი მატჩი ახალი გუნდის შემადგენლობაში ოსპინამ 2008 წლის 18 ოქტომბერს ითამაშა გასვლით მატჩში „მონაკოს“ წინააღმდეგ, რომელიც მისმა კლუბმა 2-1 მოიგო.„ნიცაში“ გატარებული ექვსივე სეზონში დავიდი გუნდის ძირითადი შემადგენლობის მეკარე იყო.

არსენალი

2014 წლის 28 ივლისს დადასტურდა ოსპინას ტრანსფერი ლონდონის „არსენალში“. ტრანსფერის ღირებულებამ 4 მილიონი ევრო შეადგინა.

რესურსები ინტერნეტში

• შეგიძლიათ იხილოთ მედიაფაილები თემაზე „დავიდ ოსპინა“ ვიკისაწყობში.
• დავიდ ოსპინა National-Football-Teams.com-ზე
• დავიდ ოსპინა TheFinalBall.com-ზე